மூத்தவன் சொல்லும், முத்துன நெல்லிக்காயும்.. ஸ்டாலினை நக்கலடித்து அழகிரி ஆதரவாளர்கள் போஸ்டர்!

மதுரை: மதுரையில் மீண்டும் ஒரு போஸ்டர் போர் தொடங்கியுள்ளது. திமுக பொருளாளர் மு.க.ஸ்டாலினை நக்கலடித்து மு.க.அழகிரி ஆதரவாளர்கள் போஸ்டர் அடித்து ஒட்டியுள்ளனர்.

இந்த போஸ்டர் போர்தான் அழகிரியை திமுகவிலிருந்து ஓரம் கட்டி வைக்க வழி கோலியது. ஆனால் தற்போது ஸ்டாலின் தலைமையில் திமுக சந்தித்த முதல் லோக்சபா தேர்தலில் சந்தித்த மிகப் பெரிய தோல்வியால் அழகிரி ஆதரவாளர்கள் உற்சாகமடைந்துள்ளனர்.

எல்லாம் எங்க அண்ணன் சொல்பேச்சை ஸ்டாலின் கேட்காமல் போனதால் வந்த வினை என்று அவர்கள் பேசி வருகிறார்கள். இந்த நிலையில்தான் மதுரையில் போஸ்டர் அடித்து ஒட்டியுள்ளனர் அழகிரி கோஷ்டியினர்.

அந்த போஸ்டலில், மூத்தவன் சொல்லும், முத்துன நெல்லிக்காயும் புளிக்கத்தான் செய்யும், ஆனால் எதிர்காலத்திற்கு நல்லது என்ற வாசகத்தின்கீழ் மூத்தவரே என அச்சிட்டு அதன் அருகில் திமுக தலைவர் கருணாநிதி, மு.க.அழகிரி படம் அச்சிடப்பட்டு உள்ளது.

இந்த போஸ்டர்களால் ஸ்டாலின் ஆதரவாளர்கள் கடுப்பாகியுள்ளனர். ஆனால் அழகிரி தரப்பினரோ ஸ்வீட் கொடு கொண்டாடு என்று கலகலகப்பாக காணப்படுகின்றனர்.

English summary

M K Azhagiri supporters have come up with a new poster against Stalin in Madurai.