வெயிலை வெறுக்காதீங்க... அனுபவிங்க பாஸ்! #summerheat
வெயில் பட்டையை கிளப்புகிறது. வெயிலை வெறுக்காதீர்கள். நன்றாக அனுபவியுங்கள், ரசியுங்கள் என்று வாட்ஸ்அப்பில் தகவல் உலா வருகிறது. டுவிட்டர்வாசிகள் வெயிலை எப்படி பார்க்கிறார்கள் பார்க்கலாம்.
சென்னை: வெயிலோடு விளையாடி, வெயிலோடு உறவாடி வருகிறோம். மழையை விட வெயிலைத்தான் நாம் அதிகம் அனுபவிக்கிறோம். அதுவும் மார்ச் முதல் ஜூன் மாதம் வரை விளாசித் தள்ளும் வெயிலை சமாளிப்பது கடுமையான விசயம். இன்றைக்கு சமூக வலைத்தளங்களில் வெயில்தான் பேசு பொருளாக உள்ளது. சகட்டு மேனிக்கு 106 டிகிரி பாரன்ஹீட் வெப்பநிலை பதிவாகிறது.
சதமடித்த வெயிலைப்பற்றித்தான் டுவிட்டர், ஃபேஸ்புக்கில் பதிவிட்டு வருகின்றனர். அக்னி நட்சத்திரத்தில் வெயில் வறுத்தெடுக்கும் என்று சொன்னால், இப்ப மட்டும் வெயில் கம்மியாவா அடிக்கிறது என்று கேட்கின்றனர்.
வெயிலுக்கு இதமாக கவிதையும் பாடுகின்றனர் சிலர். வெயிலில் வறுபடும் வலைஞர்களின் சில பதிவுகளை நீங்களும் படிங்க வாசகர்களே!
|
இப்படி ஆயிருவோமா?
ப்ரிட்ஜிக்குள் நாய் அமர்வது போல ஜில்லான இடத்தை தேடி அலைகிறது மனதும் உடம்பும்
என்ன வித்தியாசம்
மத்த ஊர் வெயிலுக்கும் சென்னை வெயிலுக்கும் என்ன வித்தியாசம்..? மத்த ஊர் வெயில்ல போயிட்டு வந்தா நம்ம மொகம் கலர் ஸ்பேடான ஆதார் போடோ மாதிரி ஆகிடும் ...சென்னை வெயில்ன்னா நம்ம மொகம் மொத்தமா பழைய ஓட்டர் ஐடி மாதிரி கருப்பா ஆகிடும்... என்று பதிவிட்டுள்ளார் இந்த வலைஞர்.
|
செட்டிங்ஸ்ல மாத்துங்க ப்ளீஸ்
மை டியர் சூரியன், உங்க செட்டிங்ஸ்ல போய் ஏன் கொஞ்சம் வெளிச்சத்தை குறைங்க, ரொம்ப சுடுதுல்ல என்று கெஞ்சுகிறார் ஒருவர்.
|
அக்னி நட்சத்திரம் வேறயா?
இதுக்கு அப்புறம் தான் அக்னி நட்சத்திரம் வேற வரப்போகுதாம். வந்தா நமக்கு என்ன?.....அதுக்குள்ள தான் நம்மளே போய்ருவோம் போல இருக்கே.....வெயில்! பட்டைய கிளப்புதே என்று புலம்புகிறார் ஒரு வலைஞர்
|
என்னா ஒரு தத்துவம்
பங்குனி வெயிலுக்கு பதமான ஒரு தத்துவம். வெயில் அதிகமான ஜூஸ் குடிக்கலாம்... ஜூஸ் அதிகமான மழையை குடிக்க முடியுமா? என்று கேட்கிறார் ஒருவர்.
|
வெள்ளமும், பள்ளமும்
மழை வந்தா வெள்ளம் வருது, வெயில் வந்தா பள்ளம் வருது !! என்னா ஒரு முரண்பாடு என்று புலம்புகிறார் ஒரு சென்னைவாசி.
|
வெயிலுக்கு ஜில்லான கவிதை
வெயில் நிலவோ
மழையில் குடையோ
குளிரில் அனலோ
பகலில் நிலவோ
வெற்றியின் படியோ
எனக்கு என்று அவளோ
உயிரின் மூச்சோ
மழைக்கு மட்டும்தான் கவிதை சொல்வோமா? வெயிலுக்கும் சொல்வோமே என்கிறார் ஒருவர்.
Click it and Unblock the Notifications
Sign in with Google