சிட்டிங் அமைச்சர், எம்.எல்.ஏ, மாஜி அமைச்சர்.. களைகட்டும் தூத்துக்குடி அதிமுக வேட்பாளர்கள்
சி.த. செல்லப்பாண்டியன்
தூத்துக்குடி அதிமுக வேட்பாளராக மாஜி அமைச்சரும் சிட்டிங் எம்.எல்.ஏ.வுமான சி.த. செல்லப்பாண்டியன் (வயது 59) நிறுத்தப்பட்டுள்ளார். தூத்துக்குடி மாவட்ட செயலராகவும் பணியாற்றியவர். இவரது மகன் ராஜாசிங், இளைஞர் இளம்பெண் பாசறை மாவட்ட தலைவர்.
ஆர். சரத்குமார்
திருச்செந்தூர் தொகுதி அதிமுக வேட்பாளராக அதன் கூட்டணி கட்சியான அகில இந்திய சமத்துவ மக்கள் கட்சித் தலைவர் நடிகர் சரத்குமார் (வயது 62) அறிவிக்கப்பட்டுள்ளார். 2001-2006ல் ராஜ்யசபா எம்.பி.யாகவும் தற்போது தென்காசி தொகுதி சிட்டிங் எம்.எல்.ஏ.வுமாக இருக்கிறார்..
கடம்பூர் ராஜூ
கோவில்பட்டி தொகுதி அதிமுக வேட்பாளராக கடம்பூர் ராஜூ அறிவிக்கப்பட்டுள்ளார்.
சுந்தரராஜ்
ஒட்டப்பிடாரம் (தனி) தொகுதி வேட்பாளராக இரா.சுந்தரராஜ் (வயது 48) நியமிக்கப்பட்டுள்ளார். தூத்துக்குடி மாவட்ட அண்ணா தொழிற்சங்க துணைச் செயலராகவும் மாந்ல ஆவின் பால் இயக்குநராகவும் உள்ளார்.
எஸ்.பி. சண்முகநாதன்
ஸ்ரீவைகுண்டம் தொகுதி அதிமுக வேட்பாளராக அமைச்சர் எஸ்.பி. சண்முகநாதன் களமிறக்கப்பட்டுள்ளார்.
உமா மகேஸ்வரி
விளாத்திகுளம் சட்டசபை தொகுதி அதிமுக வேட்பாளராக கே. உமாமகேஸ்வரி (வயது 40) நிறுத்தப்பட்டுள்ளார். விளாத்திகுளம் ஒன்றிய அதிமுக இணிஅச் செயலர், விளாத்திகுளம் ஊராட்சி ஒன்றிய குழுத் தலைவர். இவரது கணவர் அதிமுக தகவல் தொழில்நுட்ப பிரிவு மாவட்ட துணைச் செயலர்.