கேப்டன் நியூஸில் 'அம்மா' விடுதலை நியூஸை காணோமே

சென்னை: ஜெயலலிதாவுக்கு ஜாமீன் கிடைத்துள்ள செய்தியை கேப்டன் நியூஸ் தொலைக்காட்சியில் தெரிவிக்கவில்லை.

சொத்துக்குவிப்பு வழக்கில் பெங்களூர் பரப்பன அக்ரஹாரா சிறையில் அடைக்கப்பட்ட அதிமுக பொதுச் செயலாளர் ஜெயலலிதா ஜாமீன் கோரி உச்ச நீதிமன்றத்தை அணுகினார். அவரது ஜாமீன் மனுவை இன்று விசாரித்த உச்ச நீதிமன்றம் அவருக்கு இடைக்கால ஜாமீன் வழங்கி உத்தரவிட்டுள்ளது. இந்த உத்தரவை அடுத்து அதிமுகவினர் பட்டாசுகள் வெடித்தும், இனிப்பு வழங்கியும் ஜெயலலிதாவின் விடுதலையை கொண்டாடி வருகிறார்கள்.

ஜெயலலிதாவுக்கு ஜாமீன் கிடைத்துள்ள செய்தியை ஆங்கில சேனல்கள் முதல் கலைஞர் செய்திகள் வரை ஒளிபரப்பின. ஆனால் தேமுதிக தலைவர் விஜயகாந்தின் கேப்டன் நியூஸ் தொலைக்காட்சி சேனலில் மட்டும் அந்த செய்தி வரவில்லை.

பிளாஷில் கூட ஜெயலலிதாவுக்கு ஜாமீன் என்று போடவில்லை என்பது குறிப்பிடத்தக்கது.

English summary

DMDK chief Vijayakanth's Captain News avoids Jayalalithaa bail news.