காதலர்களே, காதலர் தினத்தை கொச்சைப் படுத்தாதீங்க ப்ளீஸ்!

சென்னை: உலகம் முழுவதும் இன்று காதலர் தினம் உற்சாகமாக கொண்டாடப்படுகிறது. காதலர் தினத்தில் காதலியை அசத்த காதலர்கள் வாழ்த்து அட்டைகள், பரிசுப் பொருட்களை வாங்கிக் கொடுக்கிறார்கள்.

பதிலுக்கு காதலிகளும் தங்களின் மனம் கவர்ந்தவர்களுக்கு பரிசுப் பொருட்கள் அளிக்கிறார்கள். இந்நிலையில் சில காதல் ஜோடிகள் காதலர் தினத்தை கொண்டாடுகிறோம் என்ற பெயரில் பூங்காக்கள், கடற்கரைகளுக்கு செல்கிறார்கள்.

அங்கு பெரியவர்கள் முதல் சிறியவர்கள் வரை பலர் இருப்பதையும் கண்டுகொள்ளாமல் கட்டியணைத்து, முத்தமிட்டு மற்றவர்கள் முகம் சுளிக்கும் வகையில் நடந்து கொள்கிறார்கள். அத்தகைய ஜோடிகள் பாலுணர்வுக்கு முக்கியத்துவம் அளித்து காதலை கொச்சைப்படுத்துகிறார்கள்.

காதல் என்பது பாலுணர்வையும் தாண்டிய மெல்லிய, புனிதமான உணர்வு என்பதை உணர்ந்த ஜோடிகள் இப்படி பொது இடங்களில் அசிங்கமாக நடந்து கொள்ள மாட்டார்கள். காதலர் தினத்தன்று காதலர்கள் நேரில் பார்த்துக் கொண்டு பரிசளிக்க, முத்தமிடத் தேவையில்லை.

செல்போன் மூலம் ஒரு எஸ்.எம்.எஸ். அனுப்பினால் கூட உண்மை காதலர்கள் காதலை புரிந்து கொள்வார்கள். மக்கள், சில அமைப்புகள் காதலை எதிர்க்கவிலை, காதலின் பெயரால் காமத்தை வெளிப்படுத்துவர்களுக்கு தான் எதிர்ப்பு தெரிவிக்கிறார்கள்.

English summary

People and some groups are not opposing love or valentine's day. But they are against some people behaving inappropriately in pubic in the name of celebrating Valentine's day.