ஐஏஎஸ் அதிகாரிகள் அதிரடி பணியிடமாற்றம்: சென்னை மாநகராட்சி கமிஷனராக கார்த்திகேயன் நியமனம்

சென்னை: ஐஏஎஸ் அதிகாரிகள் சிலர் இன்று அதிரடி பணியிடமாற்றம் செய்யப்பட்டுள்ளனர். இதன்படி, சென்னை மாநகராட்சி புதிய கமிஷனராக டி.கார்த்திகேயன் நியமிக்கப்பட்டுள்ளார்.

இதுவரை அந்த பணியில் இருந்து வந்த சந்திரமோகன், வருவாய்த்துறை செயலராக நியமிக்கப்பட்டுள்ளார். கார்த்திகேயன் இதற்கு முன்பு, தொல்லியல் துறை கமிஷனராக பதவி வகித்து வந்தார்.

திண்டுக்கல் மாவட்ட கலெக்டராக பணியாற்றி வந்த ஹரிஹரன் கோவை மாவட்ட கலெக்டராகவும், பட்டுப்புழு வளர்ப்பு மேம்பாட்டு, மேலாண்மை இயக்குநராக பணியாற்றிய வி.சாந்தா, மகளிர் மேம்பாட்டு மேலாண்மை இயக்குநராகவும் பணியிடமாற்றம் செய்யப்பட்டுள்ளனர்.

திண்டுக்கல் மாவட்ட வருவாய் அதிகாரியாக பாஸ்கரன் நியமனம் செய்யப்பட்டுள்ளார். முன்பு இவர் சிவில் சப்ளைஸ் கார்பொரேஷன் பொது மேலாளராக பணியாற்றி வந்தார்.

English summary

Chennai corporation gets its new commissioner as many IAS officers has been transfered in Tamilnadu.