குறைந்த விலை, நிறைந்த தரம்... சென்னையில் மேலும் 107 அம்மா உணவகங்கள் திறக்க திட்டம்

சென்னை: சென்னையில் கூடுதலாக, 107 அம்மா உணவகங்களை, இந்த ஆண்டு இறுதிக்குள் அமைக்க, மாநகராட்சி முடிவு செய்துள்ளதாக தகவல் வெளியாகியுள்ளது.

சென்னையில் தற்போது, மாநகராட்சி மூலம் 300 அம்மா உணவகங்கள் இயங்கி வருகின்றன. இதனிடையே சென்னை முழுவதும், 1,000 அம்மா உணவகங்கள் துவங்கப்படும் என, மேயர் அறிவித்தார்.

ஒரே வீச்சில் இல்லாமல் பல்வேறு கட்டங்களாக அந்த அம்மா உணவகங்கள் துவங்கப்பட உள்ளன. தற்போதுள்ள உணவகத்தின் எண்ணிக்கையை, இந்த ஆண்டு இறுதிக்குள், 400 ஆக உயர்த்த, மாநகராட்சி முடிவு செய்துள்ளது.

மொத்தம், 33 இடங்களில், கட்டுமான பணிகள் தற்போது நடந்து வருகின்றன. புதிய கட்டடங்கள், 47 இடங்களில் கட்டப்பட உள்ளன. அதற்கான பணி ஆணை வழங்கப்பட்டுள்ளது. மேலும், 27 இடங்களில் உணவகம் அமைக்க இடம் தேர்வு செய்யப்பட்டு, கட்டுமான பணிக்கு மதிப்பீடுகள் தயாரிக்கப்பட்டு வருகின்றன.

English summary

Chennai will have 400 more AMMA hotels to meet public demand.