இப்படி இருந்தா சட்னி எப்படி அரைக்கிறது... நெல்லையில் ஒரு கிலோ தேங்காய் ரூ.25!

நெல்லை: நெல்லையில் தேங்காய் விலை கிடுகிடுவென உயர்ந்திருப்பதால் மக்கள் குறிப்பாக காலையில் குடும்பத்தினருக்காக சட்னி அரைக்கும் இல்லத்தரசிகள் கடும் ஷாக்கிற்குள்ளாகியுள்ளனராம்.

நெல்லை, தூத்துக்குடியில் தென்னை விவசாயம் அதிகம் உள்ளது. இங்கு விளையும் தேங்காய்கள் விற்பனைக்காக தூத்துக்குடி, நெல்லை மார்கெட்டுகலுக்கு அனுப்பப்படுவது வழக்கம்.

முன்பு தேங்காய்களின் எண்ணிக்கை அடிப்படையில் விற்கப்பட்டு வந்த நிலை மாறி தற்போது கிலோ கணக்கில் எடை போட்டு விற்கப்படுகிறது.

நெல்லையில் ஒரு கிலோ தேங்காய் ரூ.17 முதல் 18 வரை விற்கப்படுகிறது. தற்போது தேங்காய் விலை திடீரென்று 30 சதவீதம் அதிகரித்துள்ளது. ஒரு கிலோ தேங்காய் ரூ.25க்கு விற்கப்படுகிறது.

அன்றாடம் சமையல், பூஜை, பண்டிகை மற்றும் திருமணம் உள்ளிட்ட சுப நிகழ்ச்சிகளுக்கு தேங்காயி்ன் தேவை அதிகரித்துள்ள நிலையில் அதன் விலை உயர்வு நடுந்தர மக்களை பெரிதும் பாதித்துள்ளது.

ஏற்கனவே சாம்பார் வெங்காயம், பல்லாரி ஆகியவற்றின் விலையும் கொடி கட்டி பறக்கு்ம் நிலையில் தற்போது தேங்காய் விலையும் உயர்ந்துள்ளதால் கூடுதல் செலவை எதிர்கொள்ள வேண்டியுள்ளது.

English summary

People are much worried as the coconut price has gone high in Nellai.