ஜெ.வைச் சந்தித்த விஜயதாரணியை முதலில் கட்சியை விட்டு நீக்க வேண்டும்.. காங்கிரஸார்
சென்னை: அதிமுகவுக்கு எதிரான நிலைப்பாட்டை காங்கிரஸ் கட்சி எடுத்துள்ள நிலையில், காங்கிரஸ் எம்.எல்.ஏவாக இருக்கும் விஜயதாரணி முதல்வர் ஜெயலலிதாவை சந்திப்பதை எப்படி ஏற்க முடியும். அவரை உடனடியாக கட்சியை விட்டு நீக்க வேண்டும் என்று தமிழக காங்கிரஸார் கோரிக்கை விடுத்துள்ளனர்.
தமிழக மகளிர் காங்கிரஸ் தலைவராக இருந்து வந்த விஜயதாரணிக்கும், தமிழ்நாடு காங்கிரஸ் தலைவர் ஈவிகேஎஸ் இளங்கோவனுக்கும் இடையே மோதல் ஏற்பட்டது. இரு தரப்பும் சரமாரியாக புகார்களை அள்ளி வீசியது. இந்த நிலையில் விஜயதாரணியின் பதவி பறிக்கப்பட்டது.
இதனால் கோபமடைந்த அவர் முதல்வர் ஜெயலலிதாவைப் போய்ப் பார்த்தார். மேலும் மத்திய அமைச்சர் பொன். ராதாகிருஷ்ணனையும் சந்தித்தார். இதனால் அவர் வேறு கட்சிக்குத் தாவப் போவதாக பரபரப்பு கிளம்பியது.
தமிழக மகளிர் காங்கிரஸ் தலைவி விஜயதாரணி எம்.எல்.ஏ.வுக்கும், தமிழ்நாடு காங்கிரஸ் தலைவர் இளங்கோவனுக்கும் மோதல் ஏற்பட்டது. இருவரும் பகிரங்கமாகவும் ஒருவர் மீது ஒருவர் குற்றம் சாட்டினார்கள். போலீசிலும் மாறி மாறி புகார் செய்தார்கள்.
காங்கிரஸார் கொதிப்பு
இந்த நிலையில் முதல்வர் ஜெயலலிதாவையும், பாஜக தலைவரான பொன். ராதாகிருஷ்ணனையும் விஜயதாரணி சந்தித்து காங்கிரஸார் மத்தியில் கடுப்பைக் கிளப்பியுள்ளது.
அடுத்தடுத்து அவமானப்படுத்துகிறார்
இதுகுறித்து காங்கிரஸார் கூறுகையில், பதவியில் இருந்து நீக்கப்பட்ட பின்பு விஜயதாரணி செய்தியாளர்களை சந்தித்து ராகுல்காந்தியின் முடிவு பற்றி தொடர்ந்து விமர்சித்து வருகிறார்.
கட்சிக்கு கெட்ட பெயரை ஏற்படுத்துகிறார்
மேலும் இளங்கோவன் பெண்களை வெறுப்பவர் என்றும், தமிழக காங்கிரஸ் பெண்களுக்கு எதிரானது என்றும் அவதூறாகப் பேசி வருகிறார். அவரது பேச்சுக்களை மேலிடத்திற்கு அனுப்பியுள்ளோம்.
ஜெயலலிதாவை எப்படி சந்திக்கலாம்
அதிமுகவுக்கு எதிரான நிலைப்பாட்டில் காங்கிரஸ் உள்ளது. இந்த நிலையில் முதல்வர் ஜெயலலிதாவை விஜயதாரணி சந்தித்துள்ளார். இதை ஏற்கவே முடியாது.
கட்சியை விட்டு நீக்க வேண்டும்
எனவே கட்சிக் கொள்கைளுக்கும், கட்சிக்குக் கெட்ட பெயரை ஏற்படுத்தும் வகையிலும் நடந்து வரும் அவரை உடனடியாக கட்சியை விட்டு நீக்க வேண்டும் என்று காங்கிரஸார் கூறுகின்றனர்.
Click it and Unblock the Notifications
Sign in with Google