தினகரனின் சகோதரர் "பாஸ்" மகளுடன் திவாகரன் மகன் 'சர்ச்சை' ஜெயானந்த் விரைவில் திருமணம்?
தினகரனின் சகோதரரான பாஸ் என்கிற பாஸ்கரன் மகளை திவாகரன் மகன் ஜெயானந்த் விரைவில் திருமணம் செய்ய உள்ளாராம்.
சென்னை: என்னதான் ஒதுக்கி வைத்தாலும் அதிமுகவை யார் கபளீகரம் செய்வது என சசிகலா குடும்பமே முட்டி மோதிக் கொண்டிருக்கிறது.. இந்த நிலையில் டிடிவி தினகரனின் சகோதரர் பாஸ் என்கிற பாஸ்கரின் மகளைத்தான் ஃபேஸ்புக்கில் சர்ச்சைக்குரிய கருத்துகளை வெளியிட்டு வரும் திவாகரன் மகன் ஜெயானந்த் திருமணம் செய்யப் போவதாக தகவல்கள் வெளியாகி உள்ளன.
சசிகலா சிறைக்குப் போன நிலையில் அதிமுகவையும் ஆட்சியையும் ஆட்டைய போடுவதற்கு அவரது உறவினர்கள் படாதபாடு பட்டனர். இதில் தினகரனின் கை ஓங்கியது. சசிகலா சொந்தங்களால் பாஸ் என்றழைக்கப்படும் திவாகரனுக்கு இறங்குமுகமானது.
ஜெயானந்த்
தாய்மாமன் திவாகரனின் உத்தரவுகள் எதனையும் நிறைவேற்றக் கூடாது என முதல்வர் எடப்பாடிக்கு தினகரன் உத்தரவெல்லாம் போட்டிருந்தார். இது தொடர்பாக சசிகலாவை சிறையில் சந்தித்து திவாகரன் மகன் ஜெயானந்த் முறையிட்டிருந்தார்.
சர்ச்சை பதிவுகள்
ஆனால் காலத்தின் கோலம் தினகரனையே அமைச்சர்கள் ஒதுக்கி வைப்பதாக அறிவித்தனர். இதனை ஜெயானந்த் தம்முடைய ஃபேஸ்புக் பக்கத்தில் வரவேற்று பதிவைப் போட்டது பெரும் சர்ச்சையாக வெடித்தது. அதேபோல் அப்பல்லோவில் சசிகலா- ஜெயலலிதா உரையாடும் வீடியோ இருப்பதாகவும் ஜெயானந்த் போட்டது இந்திய அளவில் பெரும் பரபரப்பை கிளப்பியது.
ஜெயானந்த் திருமணம்
இந்த நிலையில்தான் ஜெயானந்தின் திருமணம் தொடர்பான தகவலும் வெளியாகி உள்ளது. டிடிவி தினகரனின் சகோதரர் பாஸ் என்கிற பாஸ்கரன் மகள் ஜெயஸ்ரீயைத்தான் ஜெயானந்த் நீண்டகாலம் காதலித்து வருகிறாராம். அவரைத்தான் திருமணம் செய்வது தொடர்பாக பேச்சுகள் நடக்கிறதாம்.
சொந்தங்களே நாங்க...
ஆனால் ஜெயானந்தின் தந்தை திவாகரனோ இப்போது வயது 24தான் ஆகிறது.. இன்னும் 2 ஆண்டுகாலம் போகட்டும் என பதில் சொல்லியிருக்கிறார். தற்போதைய நிலையில் என்னதான் அதிகாரத்துக்காக இரண்டு குடும்பங்களும் அடித்துக் கொண்டாலும் சொந்தங்கள் விட்டுப் போகாது என்பதை வெளிப்படுத்தவே இந்த திருமண தகவல்கள் கசியவிடப்பட்டுள்ளன என்கிறது மன்னார்குடி வட்டாரங்கள்.
Click it and Unblock the Notifications
Sign in with Google