ம.ந.கூட்டணியை விட்டு வெளியேறுகிறதா தேமுதிக? தோற்ற வேட்பாளர்களோடு விஜயகாந்த் திடீர் ஆலோசனை

சென்னை: சட்டசபை தேர்தலில் மக்கள் நல கூட்டணியோடு இணைந்து, 104 தொகுதிகளில் போட்டியிட்ட தேமுதிக அனைத்திலும் தோல்வியடைந்ததோடு, 103 தொகுதிகளில் டெபாசிட்டையும் இழந்தது.

தோல்வியை தொடர்ந்து ம.ந.கூ தலைவர்கள் விஜயகாந்த்தை சந்தித்து ஆலோசனை நடத்தினர். தேமுதிக மாவட்ட நிர்வாகிகள், ம.நகூவைவிட்டு தங்கள் கட்சி வெளியேற வேண்டும் என்று விஜயகாந்த்தை வலியுறுத்த தொடங்கியுள்ளனர்.

இந்த பரபரப்பான சூழ்நிலையில், சென்னை, கோயம்பேட்டிலுள்ள கட்சி தலைமை அலுவலகத்தில் சட்டசபை தேர்தலில் போட்டியிட்ட தன் கட்சி வேட்பாளர்களுடன் விஜயகாந்த் இன்று அவசர ஆலோசனை நடத்தி வருகிறார்.

தோல்விக்கான காரணம் என்ன, அடுத்தகட்ட நடவடிக்கை எப்படி இருக்க வேண்டும் என்பது போன்ற விஷயங்கள் இக்கூட்டத்தில் விவாதிக்கப்படுகிறது.

English summary

DMDK chief Vijayakanth, meets with his party assembly poll candidates who lost in their constituencies.