டெல்லி சட்டசபைத் தேர்தலில் மேலும் 6 தேமுதிக வேட்பாளர்கள் போட்டி

சென்னை: டெல்லி சட்டசபைத் தேர்தலில் போட்டியிடும் தனது கட்சியின் 2வது வேட்பாளர் பட்டியலை தேமுதிக தலைவர் விஜயகாந்த் வெளியிட்டுள்ளார்.

டெல்லியில் வரும் டிசம்பர் மாதம் 4-ம் தேதி சட்டசபைத் தேர்தல் நடைபெற உள்ளது. இத்தேர்தலில் காங்கிரஸ் மற்றும் பா.ஜனதா ஆகிய தேசிய கட்சிகளை எதிர்த்து தமிழக கட்சியான தேமுதிக போட்டியிடுகிறது.

இதுதொடர்பாக டெல்லியில் ஒரு பொதுக்கூட்டத்தையும் நடத்தி முடித்துள்ளது தேமுதிக. விஜயகாந்த், மனைவி பிரேமலதா ஆகியோர் அக்கூட்டத்தில் பேசினர். பின்னர் சில நாட்களுக்கு முன்பு தனது கட்சியின் 5 வேட்பாளர்கள் பெயரை விஜயகாந்த் அறிவித்தார்.

இந்த நிலையி்ல இன்று மேலும் 6 தொகுதிகளுக்கான வேட்பாளர்களை அவர் அறிவித்துள்ளார். இதையும் சேர்த்து மொத்தம் 11 தொகுதிகளில் அவரது கட்சி டெல்லியில் போட்டியிடுகிறது.

2வது வேட்பாளர் பட்டியல் விவரம்:

ஆர்.கே.புரம் - எஸ்.டி.பிரகாஷ், திரிநகர் -எம்.எஸ்.சுப்பிரமணியன், ரோகிணி - ஆர்.செங்கோட்டையன், பாலம் - பி.ரத்தினம், ராஜேந்திரா நகர் -பி.டி.தானப்பன், மாள்வியா நகர்- எஸ்.ஷர்மிளா.

English summary

DMDK has released its 2nd candidate list for Delhi assembly polls..