விட்டுவிடுவோமா? ஓட்டுக்கு ரூ2,000.. டார்கெட் 20,000 வாக்காளர்கள்... கரன்சிகளுடன் களமிறங்கிய திமுக!

அதிமுக கோஷ்டிகளுக்கு சளைக்காமல் திமுகவும் பணப்பட்டுவாடாவில் களமிறங்க உள்ளது. ஓட்டுக்கு ரூ2,000 கொடுக்கும் முடிவில் இருக்கிறதாம் திமுக.

சென்னை: ஆர்.கே.நகரில் மற்ற கட்ச்களை விட பிரசாரத்தில் பின்தங்கியிருந்த திமுக இப்போது விறுவிறுவென களமிறங்கிவிட்டது. ஒரு ஓட்டுக்கு ரூ 2,000 வீதம் 20,000 வாக்காளர்களை எதிரணியில் இருந்து இழுத்தாலே போதும் என புதிய வியூகத்துடன் வைட்டமின் 'ப' வை களமிறக்கியுள்ளது திமுக.

ஆர்.கே.நகர் தொகுதியில் வலம் வருவோரில் திமுக வேட்பாளர் மருதுகணேஷ்தான் விழுந்து விழுந்து ஓட்டு கேட்கிறார்.. அதேநேரத்தில் திமுக நிர்வாகிகளோ சோர்ந்தே போயுள்ளனர். காரனம் வைட்டமின் ப சப்ளையே இல்லாததுதான் என புலம்பி வந்தனர்.

பணப்பட்டுவாடா

இன்னொரு பக்கம் ஓபிஎஸ் அதிமுகவின் மதுசூதனன், சசி அணி தினகரன் கனஜோராக பணத்தை வாரி இறைத்தனர். இரண்டு அணி அதிமுகவினரும் இன்றைக்குள் பணப்பட்டுவாடா செய்து முடிப்பதில் தீவிரமாக உள்ளனர்.

ஸ்லீப்பர் செல்கள்

அதேபோல் சோர்ந்துகிடந்த திமுகவினரையும் வளைப்பதில் தினகரன் கோஷ்டி மும்முரம் காட்டி வந்தது. இதையெல்லாம் ஸ்டாலினின் ஸ்லீப்பர் செல்கள் அண்ணா அறிவாலயத்துக்கு தெரிவித்தன.

புதிய வியூகம்

இதனைத் தொடர்ந்து தற்போது திமுக தலைமை ஒரு புதிய வியூகம் வகுத்துள்ளதாம். அதாவது ஓபிஎஸ் அதிமுக, சசி கோஷ்டியில் இருந்து 20,000 வாக்காளர்களை குறிவைத்து இழுப்பது...அவர்களுக்கு தலா ரூ2,000 ஓட்டுகள் தருவது என்பதுதான் இந்த வியூகமாம்.

முறியடிக்கவும் தீவிரம்

இரு அணியில் இருந்தும் இப்படி கணிசமான வாக்காளர்களை தங்கள் பக்கம் கொண்டு வந்தாலே எளிதில் வென்றுவிடலாம் என்பது திமுக தலைமையின் வியூகம். இதனையும் முறியடிக்காமல் விடமாட்டோம் என கங்கணம் கட்டுகிறது அதிமுக கோஷ்டிகள்.

English summary

DMK also planning to distribute money to Voters in RK Nagar bypoll.