இந்த கையசைப்புக்காகத்தான் அத்தனை திமுகவினரும் காத்துள்ளனர்!

சென்னை: திமுகவினர் அத்தனை பேருக்கும் இப்போது உள்ள ஒரே ஆசை, ஒரே எதிர்பார்ப்பு.. கட்சித் தலைவர் கருணாநிதி தங்களைப் பார்த்து ஒரு சின்ன கையசைப்பாவது காட்டினால் போதும் என்பது மட்டுமே.

ஜூன் 3ம் தேதி அந்த ஆசையை கடைசியாக நிறைவேற்றியிருந்தார் கருணாநிதி. தனது பிறந்த நாளின்போது அவர் சக்கர நாற்காலியில் வீட்டின் வாசல் வரை அழைத்து வரப்பட்டார். அப்போது தொண்டர்களைப் பார்த்து அவர் கையசைத்தபோது அத்தனை சந்தோஷம், அத்தனை உற்சாகத்தை அடைந்தனர் தொண்டர்களும், நிர்வாகிகளும்.

தலைவர் கலைஞர் அவர்கள் கோபாலபுரம் இல்லத்தில் தனது 95 வது பிறந்த நாளினை முன்னிட்டு தொண்டர்களை சந்தித்து கையசைத்தார். #Admin pic.twitter.com/T8ojJKJPCp

— KalaignarKarunanidhi (@kalaignar89) June 3, 2018

இது போதும்ய்யா எங்களுக்கு.. இப்ப நாங்க ஹேப்பி என்று பலரும் முகம் மற்றும் அகம் நிறைந்த சந்தோஷத்துடன் கூறிச் சென்றதைக் காண முடிந்தது. இப்போதும் கூட அதே சின்ன எதிர்பார்ப்புடன்தான் திமுகவினர் உள்ளனர். நிச்சயம் கருணாநிதி திரும்பி வருவார்.. தனது பொக்கைவாய் புன்னகையை சிந்துவார்.. கையசைத்து மகிழ்விப்பார் என்ற எதிர்பார்ப்புடன் அத்தனை திமுகவினரும் உள்ளனர்.

English summary

DMK cadres are eagerly waiting to see their leader's smile and simply say that they will be happy if they could able to see him.