கோபாலபுரத்தில் உற்சாகத்துடன் அன்னதானம் வழங்கிய திமுக தொண்டர்கள்: வீடியோ
சென்னை கோபாலபுரம் கருணாநிதியின் வீட்டின் முன்பு, ஆயிரக்கணக்கில் கூடிய தொண்டர்கள் அன்னதானம், இனிப்பு வழங்கி கருணாநிதியின் 94ஆவது பிறந்தநாளை உற்சாகமாகக் கொண்டாடினார்கள்.
சென்னை: கோபாலபுரம் கருணாநிதி வீட்டில் அவருடைய பிறந்தநாள் விழாவை தொண்டர்கள் அன்னதானம் மற்றும் இனிப்பு வழங்கி உற்சாகமாகக் கொண்டாடினார்கள். அதனால் கோபாலபுரம் பகுதி பரபரப்பாக இருந்தது.
கருணாநிதியின் சட்டசபையில் 60ஆண்டுகள் சேவையாற்றிய வைரவிழா நேற்று சென்னை ராயபுரம் ஒஎம்சிஏ மைதானத்தில் மிக பிரம்மாண்டமாகக் கொண்டாடப்பட்டது. இந்த விழாவில் காங்கிரஸ் துணைத் தலைவர் ராகுல் காந்தி, தேசிய மாநாட்டு கட்சியின் தலைவர் பரூக் அப்துல்லா, பிகார் முதல்வர் நிதிஷ்குமார், மார்க்சிஸ்ட் கம்யூனிஸ்ட் கட்சியின் அகில இந்தியப் பொதுச்செயலாளர் சீதாராம் யெச்சூரி, இந்திய கம்யூனிஸ்ட் கட்சியின் தேசிய செயலாளர் டி.ராஜா, தேசியவாத காங்கிரஸ் கட்சியின் தலைவர் சரத்பவார், திரிணமூல் காங்கிரஸ் மாநிலங்களவை குழுத் தலைவர் டெரிக் ஓபராயன், இந்திய யூனியன் முஸ்லிம் லீக் கட்சியின் அகில இந்தியத் தலைவர் கே.எம்.காதர் மொகிதீன், புதுச்சேரி முதல்வர் வி.நாராயணசாமி உள்ளிட்ட பல தலைவர்கள் கலந்துகொண்டு சிறப்பித்தனர்.
இந்நிலையில், கருணாநிதியின் இல்லத்தில் மு.க.ஸ்டாலின், கனிமொழி எம்.பி, தயாநிதி மாறன், துரைமுருகன் உள்ளிட்ட தலைவர்கள் கருணாநிதியை சந்தித்தனர். அங்கு தொண்டர்கள் ஆயிரக்க்கணக்கில் கூடி, கருணாநிதியின் 94ஆவது பிறந்தநாளைக் கொண்டாடினர். அப்போது பொதுமக்களுக்கு அன்னதானமும் இனிப்பும் வழங்கி தங்கள் மகிழ்ச்சியை பகிர்ந்துகொண்டனர். கருணாநிதிக்கு மு.க.ஸ்டாலின் நினைவுப்பரிசு வழங்கினார்.
Click it and Unblock the Notifications
Sign in with Google