சேலத்தில் அக். 14ம் தேதி ஏற்காடு தி்முக வேட்பாளர் அறிமுகக் கூட்டம்

சேலம்: ஏற்காடு தொகுதி திமுக வேட்பாளர் வெ. மாறன் அறிமுகக் கூட்டம் சேலத்தில் அக்டோபர் 14ம் தேதி நடைபெறும் என அறிவிக்கப்பட்டுள்ளது.

இதுகுறித்து திமுக மாவட்ட பொறுப்பாளர் சிவலிங்கம் விடுத்துள்ள செய்திக்குறிப்பில், ஏற்காடு சட்டமன்ற தேர்தல் திமு. வேட்பாளர் அறிமுக கூட்டம் 14-ந்தேதி காலை 10 மணி அளவில் சேலம் வலசையூர் பெரியசாமி உடையார் திருமண மண்டபத்தில் நடைபெற இருக்கிறது.

இந்த கூட்டத்தில் திமுக பொருளாளர், மாநில திமுக இளைஞர் அணி செயலாளர் மு.க.ஸ்டாலின் கலந்து கொண்டு சிறப்புரையாற்ற இருக்கிறார்.

சேலத்தில் நடைபெற இருக்கும் இந்த செயல்வீரர்கள் கூட்டத்தில் அவர் கலந்து கொள்வதற்காக 13-ந்தேதி மாலை 6 மணி அளவில் கார் மூலம் சேலம் வருகிறார். அவருக்கு சேலம் மாவட்ட எல்லையான தலைவாசலில் மிகப் பிரமாண்டமான முறையில் மாவட்ட தி.மு.க. சார்பில் வரவேற்பு அளிக்கப்படுகிறது.

இந்த எழுச்சிமயமான பிரமாண்டமான வரவேற்பு நிகழ்ச்சியில மாவட்ட, மாநகர நிர்வாகிகள், நாடாளுமன்ற, இந்நாள், முன்னாள் உறுப்பினர்கள், முன்னாள் சட்ட மன்ற உறுப்பினர்கள் மற்றும் தொண்டர் அணி மற்றும் சார்பு மன்ற அமைப்பாளர்கள், துணை அமைப்பாளர்கள், உள்ளாட்சி அமைப்புகளின் முன்னாள், இந்நாள் பிரதிநிதிகள், கழக தோழர்கள், கழக ஆதரவாளர்கள் தவறாமல் கரங்களில் கழக கொடிகளுடன் பெரும் அளவில் திரளாக வந்து எழுச்சிமிகு வரவேற்பு தர கேட்டு கொள்கிறேன் என்று தெரிவித்துள்ளார்.

English summary

DMK candidate introduction meeting will be held at Salem on Oct 14.