தேர்தலா.. இப்ப சொல்ல முடியாது.. அப்பறம் பார்க்கலாம்.. துரைமுருகன் கலகல
திமுக பொதுக்குழுவில் நடக்க உள்ள தேர்தல் குறித்து இப்போது சொல்ல முடியாது, தேர்தல் அன்று பார்த்துக் கொள்ளலாம் என்று துரைமுருகன் பேட்டியளித்துள்ளார்.
சென்னை: திமுக பொதுக்குழுவில் நடக்க உள்ள தேர்தல் குறித்து இப்போது சொல்ல முடியாது, தேர்தல் அன்று பார்த்துக் கொள்ளலாம் என்று துரைமுருகன் பேட்டியளித்துள்ளார்.
திமுக கட்சி அடுத்த கட்ட மாற்றத்திற்கு தயாராகிவிட்டது. ஆம் கருணாநிதி வழிநடத்திய கட்சியை வழிநடத்த ஸ்டாலின் தயாராகிவிட்டார். இதற்காக நாளை மறுநாள் திமுக பொதுக்குழு கூடுகிறது.
இதில் திமுக தலைவர் பதவிக்கும், பொருளாளர் பதவிக்கும் தேர்தல் நடக்க உள்ளது. திமுகவில் தலைவர் பதவிக்கு ஸ்டாலினும், பொருளாளர் பதவிக்கு துரைமுருகனும் போட்டியிட வேட்புமனுத்தாக்கல் செய்துள்ளனர்.
இந்த நிலையில், இதுகுறித்து துரைமுருகன் பேட்டியளித்துள்ளார். அதில் பொருளாளர் ஆவது குறித்து இப்போது சொல்ல முடியாது. இப்போதுதான் மனுதாக்கல் செய்துள்ளேன். என்ன நடக்கிறது என்று பார்க்கலாம்.
முடிவு எல்லாம் இப்போதே சொல்ல முடியாது. நாளை மறுநாள்தான் தெரியும். தேர்தலில் பார்த்துக் கொள்ளலாம், என்று கூறியுள்ளார்.