தி.மு.க. பொதுச்செயலர் க. அன்பழகன் மருத்துவமனையில் திடீர் அனுமதி!

சென்னை: தி.மு.க. பொதுச்செயலாளர் க. அன்பழகனுக்கு திடீரென ஏற்பட்ட உடல் நலக்குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.

சென்னை கீழ்ப்பாக்கம் வீட்டில் வசித்து வரும் க. அன்பழகனுக்கு வயது 93. இன்று காலை 8 மணி அளவில் திடீரென அவருக்கு மயக்கம் ஏற்பட்டுள்ளது.

இதைத் தொடர்ந்து உடனடியாக அவர் சென்னை ஆயிரம் விளக்கில் உள்ள தனியார் மருத்துவமனையில் அனுமதிக்கப்பட்டார். அங்கு தீவிர சிகிச்சை பிரிவில் அனுமதிக்கப்பட்டுள்ள அவருக்கு மருத்துவர்கள் சிகிச்சை அளித்து வருகின்றனர்.

இந்த தகவல் அறிந்து தி.மு.க. தலைவர் கருணாநிதி, பொருளாளர் மு.க.ஸ்டாலின் உட்பட திமுக நிர்வாகிகள் நேரில் சென்று அன்பழகன் உறவினர்களிடம் நலம் விசாரித்தனர். மேலும் மருத்துவர்களிடமும் அன்பழகனின் உடல் நலம் குறித்து கேட்டறிந்தனர்.

English summary

DMK general secreatary K. Anbazhagan hospitalized in Chennai on Tuesday.