ஜெயலலிதா பேஸ்புக்கில் 'கவர்' படத்தை மாத்தியாச்சு... 'வெல்கம் ஸ்டேட்டஸும்' போட்டாச்சு!

சென்னை: அதிமுக பொதுச் செயலாளர் ஜெயலலிதாவின் பெயரில் உள்ள பேஸ்புக் பக்கத்தில், அவருக்கு ஜாமீன் கிடைத்த செய்தி வெளியானதுமே கவர் போட்டோவை மாற்றி விட்டனர். நிம்மதி தவழும் முகத்துடன் கூடிய ஜெயலலிதா படத்தை தற்போது போட்டுள்ளனர்.

அதேபோல வெல்கம் ஹோம் அம்மா என்றும் ஒரு போட்டோ ஸ்டேட்டஸ் போட்டுள்ளனர்.

ஜெயலலிதா சிறைக்குப் போவதற்கு முன்பு வரை ஜெயலலிதா தொடர்பான நிகழ்ச்சிகள், அவர் பங்கேற்கும் அரசு நிகழ்ச்சிகள், தொடக்க விழாக்கள், அதிமுக விழாக்கள், பிரசாரம் என படம் படமாக போட்டு வந்தனர் இந்த பக்கத்தில்.

ஆனால் அவர் சிறைக்குப் போனதும் இந்த பேஸ்புக்கம் பொலிவிழந்து காணப்பட்டது. வேறு வழியே இல்லாமல் முதல்வர் ஓ.பன்னீர் செல்வம் அமைச்சரவையின் படங்களைப் போட்டு வந்தனர். சுரத்தே இல்லாமல் காணப்பட்டது இந்த பேஸ்புக் பக்கம்.

இந்த நிலையில் இன்று ஜெயலலிதாவுக்கு உச்சநீதிமன்றம் இடைக்கால ஜாமீன் அளித்துள்ளதைத் தொடர்ந்து பக்கத்திற்கு புது மெருகு வந்து விட்டது. கவர் படத்தை மாற்றியுள்ளனர்.

மேலும் அம்மா வெல்கம் ஹோம் என்றும் ஜெயலலிதா படத்துடன் ஒரு ஸ்டேட்டஸ் போட்டுள்ளனர்.

ஒருவர் அந்தப் படத்திற்கு ஐ எம் பேக் என்று ஜெயலலிதா படத்துடன் மகிழ்ச்சியும் தெரிவித்துள்ளார்.

English summary

FB page in the name of ADMK chief Jayalalitha has changed its cover photo and has welcomed her back home.