சென்னை தலைமைச் செயலகத்தில் பிரதான கட்டிடத்தில் தீ விபத்து

சென்னை: சென்னையில் தமிழக அரசின் தலைமைச் செயலகத்தின் பிரதான கட்டிடத்தில் இன்று காலை தீ விபத்து ஏற்பட்டது. தீயை அணைக்க தீயணைப்பு வீரர்கள் போராடி வருகின்றனர்.

சென்னையில் தலைமைச் செயலகத்தில் முதலாவது மாடியில் செய்தி மற்றும் ஒளிபரப்புத்துறை அலுவலகம் இயங்கி வருகிறது. இந்த கட்டிடத்தில் இன்று காலை திடீர் என தீ விபத்து ஏற்பட்டது.

இதைத் தொடர்ந்து தீயணைப்பு வீரர்கள் விரைந்து வந்து தீயணைக்கும் பணியில் ஈடுபட்டு வருகின்றனர். சென்னையில் மற்றொரு அரசு கட்டிடமான சேப்பாக்கம் எழிலகத்திலும் தலைமைச் செயலகத்தின் மற்றொரு பகுதியான நாமக்கல் கவிஞர் மாளிகையிலும் அடிக்கடி தீ விபத்து ஏற்பட்டு வந்தது.

தற்போது தலைமைச் செயலகத்தின் பிரதான கட்டிடத்தில் தீ விபத்து ஏற்பட்டிருப்பது ஊழியர்களிடையே அச்சத்தை ஏற்படுத்தியுள்ளது.

English summary

A Fire broke out at the Tamilnadu Secretariat Main building on today morning.