போர்ப்ஸ் பிரபலங்கள் பட்டியல்: அஜீத்-விஜய் அவுட், ரஜினியை முந்திய தனுஷ், சந்தானம்
சென்னை: போர்ப்ஸ் இந்தியா பத்திரிக்கை வெளியிட்டுள்ள 100 பிரபலங்கள் பட்டியலில் சந்தானத்தின் பெயர் உள்ளது. ஆனால் அஜீத், விஜய் ஆகியோரின் பெயர்கள் இல்லை.
போர்ப்ஸ் இந்தியா பத்திரிக்கை இந்த ஆண்டுக்கான டாப் 100 பிரபலங்களின் பெயர்கள் அடங்கிய பட்டியலை வெளியிட்டுள்ளது. பிரபலங்களின் வருமானம் மற்றும் அவர்கள் எவ்வளவு பிரபலமாக உள்ளனர் ஆகியவற்றின் அடிப்படையில் பட்டியல் வெளியிடப்பட்டுள்ளது.
இந்த ஆண்டுக்கான பட்டியலில் பாலிவுட் நடிகர் ஷாருக்கான் முதலிடத்தில் உள்ளார். கடந்த ஆண்டு பட்டியலில் ஷாருக்கான் மூன்றாவது இடத்தில் இருந்தார்.
சல்மான்
கடந்த ஆண்டு பட்டியலில் முதலிடத்தில் இருந்த சல்மான் கான் இந்த ஆண்டு பட்டியலில் இரண்டாவது இடத்தில் உள்ளார்.
டோணி
டோணி கடந்த ஆண்டும் சரி இந்த ஆண்டும் சரி நான்காவது இடத்தில் தான் உள்ளார். கடந்த ஆண்டு இரண்டாவது இடத்தில் இருந்த அமிதாப் பச்சன் இந்த ஆண்டு மூன்றாவது இடத்தில் உள்ளார்.
ஆமீர் கான்
போர்ப்ஸ் பட்டியலில் ஆமீர் கான் 5வது இடத்திலும், அக்ஷய் குமார் 6வது இடத்திலும், விராட் கோஹ்லி 7வது இடத்திலும், சச்சின் டெண்டுல்கர் 8வது இடத்திலும், தீபிகா படுகோனே 9வது இடத்திலும், ரித்திக் ரோஷன் 10வது இடத்திலும் உள்ளனர்.
ஏ.ஆர். ரஹ்மான்
கடந்த ஆண்டு பட்டியலில் 13வது இடத்தில் இருந்த இசையமைப்பாளர் ஏ.ஆர்.ரஹ்மான் இந்த ஆண்டு 14வது இடத்தில் உள்ளார்.
மகேஷ் பாபு
தெலுங்கு நடிகர் மகேஷ் பாபு போர்ப்ஸ் பட்டியலில் 36வது இடத்தில் உள்ளார். கடந்த ஆண்டு அவர் 30வது இடத்தில் இருந்தார்.
தனுஷ்
கடந்த ஆண்டு பட்டியலில் 78வது இடத்தில் இருந்த தனுஷ் பல இடங்கள் முன்னேறி 37வது இடத்திற்கு வந்துள்ளார்.
அஜீத், விஜய்
2014ம் ஆண்டு போர்ப்ஸ் பட்டியலில் 41வது இடத்தில் இருந்த விஜய் மற்றும் 51வது இடத்தில் இருந்த அஜீத் ஆகியோரின் பெயர்கள் இந்த ஆண்டு பட்டியலில் இல்லை.
ரஜினி, கமல்
போர்ப்ஸ் பட்டியலில் கமல் 46வது இடத்தில் உள்ளார். போர்ப்ஸ் பட்டியலில் கடந்த ஆண்டு 45வது இடத்தில் இருந்த ரஜினிகாந்த் இந்த ஆண்டு 69வது இடத்தில் உள்ளார்.
சந்தானம்
நகைச்சுவையில் கலக்கி வரும் சந்தானம் போர்ப்ஸ் இந்தியா பட்டியலில் 52வது இடத்தில் உள்ளார்.
சூர்யா, ஆர்யா
போர்ப்ஸ் பட்டியலில் சூர்யா 71வது இடத்திலும், பிரபாஸ் 77வது இடத்திலும், ஆர்யா 80வது இடத்திலும், பிரபுதேவா 88வது இடத்திலும் உள்ளனர்.
Click it and Unblock the Notifications
Sign in with Google