உள்ளாட்சித் தேர்தல்.. சென்னை உட்பட 10 மாநகராட்சிகளுக்கான த.மா.கா வேட்பாளர் பட்டியலை வெளியிட்ட வாசன்

சென்னை: உள்ளாட்சித் தேர்தலில் 10 மாநகராட்சிகளில் போட்டியிடுவதற்கான முதல் கட்ட வேட்பாளர் பட்டியலை த.மா.கா. தலைவர் ஜி.கே. வாசன் வெளியிட்டார்.

அக்டோப்ர் 17 மற்றும் 19 ஆகிய தேதிகளில் இரண்டு கட்டங்களாக தமிழகத்தில் உள்ளாட்சித் தேர்தல் நடைபெறும் என்று மாநில தேர்தல் ஆணையம் அறிவித்தது. அடுத்த நாளே அதிமுக வேட்பாளர் பட்டியலை அறிவித்த நிலையில், நேற்று திமுக, திருச்சி, சேலம், தூத்துக்குடி மாநகராட்சிகளுக்கான வேட்பாளர் பட்டியலை வெளியிட்டது. தொடர்ந்து பல்வேறு கட்சிகளும் வேட்பாளர் பட்டியலை வெளியிட்ட வண்ணம் உள்ளன.

இந்நிலையில் இன்று தமிழ் மாநில காங்கிரஸ் சார்பில் 10 மாநகராட்சிகளில் போட்டியிட உள்ள முதல் கட்ட வேட்பாளர் பட்டியலை இன்று அதன் தலைவர் ஜி.கே. வாசன் வெளியிட்டார். 169 பேர் கொண்ட பட்டியலை வெளியிட்ட பின்னர், இன்னும் 3 நாட்களில் முழுமையான பட்டியல் வெளியாகும் என்று வாசன் தெரிவித்துள்ளார்.

த.மா.கா. வெளியிட்டுள்ள வேட்பாளர் பட்டியலின் படி, சென்னை மாநகராட்சியில் 64 இடங்களிலும், மதுரையில் 10 இடங்களிலும், கோவையில் 8 இடங்களிலும், திருப்பூரில் 40 இடங்களிலும், ஈரோட்டில் 20 இடங்களிலும், தூத்துக்குடியில் 5 இடங்களிலும், தஞ்சையில் 7 இடங்களிலும், திண்டுக்கல்லில் 5 இடங்களிலும், திருச்சியில் 8 இடங்களிலும், சேலத்தில் 4 இடங்களிலும் தமிழ் மாநில காங்கிரஸ் போட்டியிடுகிறது.

English summary

TMC Leader G.K.Vasan released the list of party 1st phase candidates for councilors post in 10 corporations.