'பேக் சீட் டிரைவிங்' போல் தமிழக அரசை பின்னால் இருந்து இயக்கும் ஜெயலலிதா: ஜி. ராமகிருஷ்ணன்
சென்னை: தமிழக அரசை ஜெயலலிதா பின்னால் இருந்து இயக்குவதாக மார்க்சிஸ்ட் கம்யூனிஸ்ட் கட்சியின் மாநிலச் செயலாளர் ஜி.ராமகிருஷ்ணன் தெரிவித்துள்ளார்.
மார்க்சிஸ்ட் கம்யூனிஸ்ட் கட்சியின் தென் சென்னை மாவட்ட மாநாடு நவம்பர் 16, 17 ஆகிய தேதிகளில் விருகம்பாக்கத்தில் நடக்கும் என்று அறிவிக்கப்பட்டது. அதன்படி மாநாட்டை கட்சியின் மாநிலச் செயலாளர் ஜி. ராமகிருஷ்ணன் ஞாயிற்றுக்கிழமை துவக்கி வைத்தார்.
மாநாட்டில் அவர் பேசுகையில்,
பேக் சீட் டிரைவிங் போன்று முன்னாள் முதல்வர் ஜெயலலிதா பின்னால் இருந்து கொண்டு தமிழக அரசை இயக்கி வருகிறார். இது வெகு நாட்கள் நீடிக்காது. அதிமுக மட்டும் ஆட்சிக்கு வந்தால் மணல் கொள்ளை நடப்பதை தடுத்து நிறுத்துவோம் என்று வாக்குறுதி அளித்தார்கள். ஆனால் தற்போதும் மணலும், கடலோர மாவட்டங்களில் தாது மணலும் கொள்ளை போகத் தான் செய்கிறது.
பிரதமர் மோடி கார்பரேட் நிறுவனங்களுக்கு தான் சலுகைகளை அளிக்கிறார். கடந்த 2013ம் ஆண்டில் ரூ. 6,75,350 கோடியாக இருந்த 10 கார்பரேட் நிறுவனங்களின் சொத்து மதிப்பு இந்த ஆண்டில் ரூ.8,90,590 கோடியாக அதிகரித்துள்ளது என்றார்.
Click it and Unblock the Notifications
Sign in with Google