முதலீட்டாளர்கள் மாநாட்டை “லைவ்வாக” இங்கே பார்க்கலாம்...
சென்னை: சர்வதேச முதலீட்டாளர் மாநாட்டை மக்கள் நேரலையாக காண தமிழக அரசு ஏற்பாடு செய்துள்ளது.
தமிழக அரசின் முக்கிய சாதனையாக கருதப்படும், சர்வதேச முதலீட்டாளர் மாநாடு, சென்னையில் இன்று துவங்குகிறது. இன்றும், நாளையும் நடைபெற உள்ள இந்த மாநாட்டில் சுமார் 2500க்கும் அதிகமான முதலீட்டாளர்கள் கலந்து கொள்கின்றனர்.
இந்த மாநாடு மூலம் ரூ. 1 லட்சம் கோடி மதிப்பிளான முதலீடுகள் தமிழகத்திற்கு கிடைக்கும் என எதிர்பார்க்கப் படுகிறது. இதன் மூலம் ஒன்றரை லட்சம் இளைஞர்களுக்கு வேலை வாய்ப்பு கிடைக்கும்.
மாநாட்டை ஒட்டி சென்னை வர்த்தக மையத்திற்கு பலத்த போலீஸ் பாதுகாப்பு வழங்கப் பட்டுள்ளது. அடையாள அட்டை வைத்திருப்பவர்கள் மட்டுமே மாநாட்டின் உள்ளே செல்ல அனுமதிக்கப் படுவார்கள். மாநாடு நடக்கும் நந்தம்பாக்கம் வர்த்தக மையத்துக்குள் வெளிநாட்டு நிறுவன அதிகாரிகள், முதலீட்டாளர்கள், உள்நாட்டு முதலீட்டாளர்கள் மட்டுமே அனுமதிக்கப்படுவர்
இந்நிலையில், இந்த சர்வதேச முதலீட்டாளர் மாநாட்டை மக்கள் நேரலையாக காண தமிழக அரசு ஏற்பாடு செய்துள்ளது.
முதல்வர் ஜெயலலிதா பங்கேற்கும், மாநாட்டு துவக்க நிகழ்ச்சி உட்பட, இருநாட்கள் நடக்கும் நிகழ்ச்சிகளை, www.tamilnadugim.com என்ற இணையதளத்தில் பார்க்கலாம் என அறிவிக்கப் பட்டுள்ளது.
Click it and Unblock the Notifications
Sign in with Google