வாக்கு எண்ணிக்கையையொட்டி கூகுள் போட்ட டூடுளை பார்த்தீங்களா?

சென்னை: நாடாளுமன்ற தேர்தலில் பதிவான வாக்குகள் இன்று எண்ணப்பட்டதையொட்டி கூகுள் ஸ்பெஷலான டூடுள் ஒன்றை வெளியிட்டது.

கடந்த மாதம் 7ம் தேதி முதல் மே 12ம் தேதி வரை நாடாளுமன்ற தேர்தல் 9 கட்டமாக நடைபெற்றது. இந்த தேர்தலில் பதிவான வாக்குகள் இன்று எண்ணப்பட்டு முடிவு அறிவிக்கப்படுவதை அரசியல் தலைவர்கள் மட்டும் இன்றி பொதுமக்களும் ஆவலுடன் எதிர்பார்த்துக் கொண்டிருந்தனர்.

இந்நிலையில் கூகுள் வாக்கு எண்ணிக்கையை முன்னிட்டு ஸ்பெஷலான டூடுளை வெளியிட்டது. கூகுள் பக்கத்திற்கு சென்றால் 'எல்' என்ற வார்த்தையில் விரலில் வாக்களித்ததற்கான மையுடன் ஒரு கை இருக்கிறது.

அந்த மை படிந்த விரலை கிளிக் செய்தால் தேர்தல் முடிவுகள் தொடர்பான செய்திகள் அடங்கிய பக்கம் வருகிறது.

தேர்தலுக்கு பிந்தைய கருத்துக்கணிப்புகள் அனைத்தும் பாஜக தலைமையிலான தேசிய ஜனநாயக கூட்டணி தான் ஆட்சிக்கு வரும் என்று தெரிவித்தன. தற்போது தேர்தல் முடிவுகளை பார்க்கையில் கணிப்புகள் உண்மை என்பது தெரிய வந்துள்ளது.

English summary

Google has put on a special doodle ahead of the counting of votes which were registered during the nine phase of the lok sabha elelctions.