காலம் மாறிப் போச்சு... கூகுளும் கலர்புல்லா ஆகிப் போச்சு- இனி ”ஈசியா தேடலாம்” லோகோ அறிமுகம்!

Updated: Wednesday, September 2, 2015, 14:01 [IST]

Subscribe to Oneindia Tamil

சென்னை: ஒவ்வொரு ஆண்டும் அதென்னவோ செப்டம்பர் அல்லது மே மாதங்களில்தான் கூகுள் தன் லோகோவினை மாற்றுகின்றது. அந்த விதத்தில் மே 2010, செப்டம்பர் 2013க்கு அடுத்தபடியாக இந்த செப்டம்பரில் தன்னுடைய "கூகுள் டாட்" லோகோவை அறிமுகப்படுத்தியுள்ளது கூகுள்.

கடந்த 17 வருடங்களாக பல்வேறு பரிணாம வளர்ச்சிகளைக் கண்டுள்ள தேடுதல் பொறியான கூகுள் நிறுவனம், இன்று தன்னுடைய புதிய லோகோவை வெளியிட்டுள்ளது.

முன்பெல்லாம் டெஸ்க்டாப் கணினி மூலம் மட்டுமே கூகுளைப் பயன்படுத்த முடியும். ஆனால் இப்போது பல அப்ளிகேஷன்கள் மற்றும் நவீன சாதனங்களில் உபயோகப்படுத்த முடிகிறது.

இனி சின்ன சின்ன வசதிகளிலும் கூகுள்:

இதன் அடிப்படையில் கூகுளின் புதிய லோகோ மிகச் சிறிய ஸ்க்ரீனில் கூட கூகுள் இயங்கும் என்பதைக் காட்டுகிறது. கூகுள் அனைத்து சேவைகளுக்கும் ஒரே லோகோவை பயன்படுத்துவதன் மூலம் இன்னும் எளிதாக கூகுள் செய்ய முடியும். அதாவது உங்கள் தேடுதலை விரிவாக்க முடியும்.

சேவை புரியும் கூகுள்:

இது, நீங்கள் கூகுளைப் பயன்படுத்துவது பற்றி மட்டும் குறிப்பிடாமல் கூகுள் உங்களுக்கு சேவை புரிகிறது என்பதையும் காட்டுகிறது.

கலர்புல்லாய் ஒரு ஜி:

உதாரணத்திற்கு, கூகுளின் வண்ணமயமான மைக் இன்னும் எளிதாக ஆடியோ வசதிகளை செய்து தரும். மேலும், பழைய சின்னத்தில் உள்ள சிறிய நீல நிற ஜியை நீக்கிவிட்டு, நான்கு வண்ணங்களில் கலர்புல் ஜி யை ரெயின்போ நிறத்தில் அறிமுகப்படுத்தி உள்ளது கூகுள்.

எதிர்காலத்தைக் காட்டும் கூகுள்:

"இந்த கலர்புல் மாற்றம் இன்றை மட்டும் அல்ல... எதிர்காலத்தையும் இது காட்டுகிறது" என்கிறது கூகுள் நிறுவனம். அது மட்டுமல்ல அறிமுகமும் அழகாக டூடுள் இட்டு செய்துள்ளது கூகுள். ஒரு கை அழகாக பழைய லோவை துடைத்து விட்டு, கிரேயானில் புதிய லோகோவை எழுதுகின்றது.

சுற்றிச் சுழலும் புள்ளிகள்:

புதிய மெல்லிய கூகுள் லோகோ சுற்றிச் சுழன்று புள்ளிகளாக வண்ணமயமான ஜியினை காட்டுகின்றது. இதன் மூலம் உங்கள் தேடுதல் இன்னும் மேம்பட்டுள்ளது என்று அழகாக, வண்ணக்கலவையாக தெரிவித்துள்ளது கூகுள்.