எங்க.. தைரியம் இருந்தா தமிழக ஆளுநரை கண்டித்து போராட்டம் நடத்துங்க.. திமுகவை சீண்டும் எச்.ராஜா

தமிழக ஆளுநரைக் கண்டித்து போராட்டம் நடத்த திமுகவுக்கு தைரியம் இருக்கிறதா? என பாஜக தேசிய செயலாளர் எச். ராஜா கேள்வி எழுப்பியுள்ளார்.

By Mathi

Published: Monday, December 11, 2017, 14:48 [IST]

Subscribe to Oneindia Tamil

திருமாவளவனால் பதற்றமாம்.. குண்டாஸில் கைது செய்ய வேண்டுமாம்.. அலறும் எச். ராஜா- வீடியோ

புதுச்சேரி: தமிழக ஆளுநரைக் கண்டித்து போராட்டம் நடத்த திமுகவுக்கு தைரியம் இருக்கிறதா? என பாஜக தேசிய செயலாளர் எச். ராஜா கேள்வி எழுப்பியுள்ளார்.

புதுச்சேரியில் இன்று செய்தியாளர்களிடம் எச். ராஜா கூறியதாவது:

புதுவையில் பாதிக்கப்படும் மக்களை ஆளுநர் கிரண்பேடி நேரடியாக சந்தித்து வருகிறார். அவரது நடவடிக்கைகளால் புதுவையின் நீர் நிலைகள் மீட்கப்பட்டுள்ளன.

ஆனால் புதுவையில் ஆளுநர் செல்லும் இடங்களில் காங்கிரஸ் கட்சியினர் திட்டமிட்டு போராட்டங்களை நடத்துகின்றனர். இதை முதல்வர் நாராயணசாமி கைவிட வேண்டும்.

காங்கிரஸுக்கு எதிராக பாஜகவும் களம் இறங்க நேரிடும். அப்படி இறங்கினால் அதை முதல்வர் நாராயணசாமியால் எதிர்கொள்ள முடியாது.

தமிழக ஆளுநர் பன்வாரிலால் புரோஹித் சட்ட நுணுக்கங்களை நன்கு அறிந்தவர். ஆகையால்தான் அதிகாரிகளுடன் அவர் ஆலோசனை நடத்துகிறார்.

இது தவறு என்கிறது திமுக. அப்படிச் சொல்கிற திமுகவுக்கு தைரியம் இருந்தால் ஆளுநரை எதிர்த்து போராட்டம் நடத்துமா?

இவ்வாறு எச். ராஜா கேள்வி எழுப்பினார்.