முடக்கப்பட்ட அ.தி.மு.க. இணையதளம்! இன்னமும் மீட்கப்படவில்லை!

சென்னை: மின்வெளி திருடர்கள் எனப்படும் ஹேக்கர்ஸர்களால் முடக்கப்பட்ட அதிமுகவின் அதிகாரப்பூர்வ இணையதளம் இன்னமும் மீட்கப்பட முடியாமல் "Account Suspended" என்ற முகப்புடன் இருக்கிறது.

அ.தி.மு.க-வின் அதிகாரப்பூர்வ இணையதளமான www.aiadmkallindia.org "HACKED BY H4$N4!N H4XOR" என்ற கும்பலாம் முடக்கப்பட்டதாக அறிவிக்கப்பட்டது. இது பாகிஸ்தானை சேர்ந்த கும்பல் ஒன்றின் கைவரிசை என்றும் கூறப்பட்டது.

பின்னர் போலீசார் நடத்திய விசாரணையில் பெங்களூரில் இருந்த சென்னை இளைஞர் ஒருவர் கைது செய்யப்பட்டார். இருப்பினும் இந்த இணையதளம் இன்னமும் மீட்கப்படாமல் Account Suspended என்ற முகப்புடனேயே இருந்து வருகிறது.

சன் தொலைக்காட்சி குழும இணையதளங்கள் கூட இப்படி ஹேக் செய்யப்பட்ட நிலையில் உடனே அவற்றை மீட்டிருந்தனர். ஆனால் அதிமுக தரப்பு இன்னமும் இந்த இணையதளத்தை மீட்க முடியாமல் தவித்து வருகிறது.

இதேபோல் தொழில்நுட்ப அப்கிரேடு என்ற பெயரில் புதிய தலைமுறை தொலைக்காட்சியின் இணையபக்கமும் 10 நாட்களுக்கும் மேலாக இயங்கவில்லை. இந்த இணையப்பக்கத்தையும் மின்வெளி திருடர்கள் எனப்படும் ஹேக்கர்ஸ்தான் முடக்கியிருப்பதாகவும் கூறப்படுகிறது.

English summary

The hackers had left the city cyber crime sleuths in sixes and sevens after entering into the websites of the Tamil Nadu police, ruling AIADMK and at least three private television channels. “We are almost shield-less. The hackers keep sneaking into all these sites to deface them,” disclosed a senior police official.