நானும் மதுரைக்காரன்தாண்டா... கட்டிய வேட்டியும், கையில் இளநீருமாக.. 'மாப்ளை' மாத்யூ!

மதுரை: முன்னாள் ஆஸ்திரேலிய பேட்டிங் ஜாம்பவான் மாத்யூ ஹெய்டன் மதுரையில் முகாமிட்டுள்ளார். லைட்டா வெயில் அடித்தாலே சோர்ந்து போகும் ஆஸ்திரேலிய வீரர்களுக்கு மதுரை வெயில் எப்பூடி இருக்கும்... ஆனால் அதையும் ஜாலியாகவே எடுத்துக் கொண்டுள்ளார் மாத்யூ ஹெய்டன்.

தமிழ்நாடு பிரீமியர் லீக் தொடரை புரமோட் செய்வதற்காக மதுரைக்கு இன்று வந்தார் ஹெய்டன். மீனாட்சி அம்மன் கோவிலுக்குச் சென்று பயபக்தியுடன் சாமி கும்பிட்ட அவர் பின்னர் ஹோட்டலுக்குத் திரும்பினார்.

What heat? Feeling cool in the veshti down here in Madurai. #TNPL @tnpremierleague pic.twitter.com/5qAhnuJoet

— Matthew Hayden AM (@HaydosTweets) August 9, 2016

மதுரையின் இன்னொரு விசேஷமான வெயிலைப் பற்றி மறக்காமல் தனது டிவிட்டர் பக்கத்தில் போட்டுள்ளார்.. தனது பாணியில்.

கட்டிய வேட்டியும், கையில் இளநீருடனும் உட்கார்ந்தபடி, வெயில்தான். ஆனாலும் என்ன வேட்டியில் படு கூலாக இருக்கிறன் பாருங்கள் என்று ஜாலியாக கமெண்ட் போட்டுள்ளார் ஹெய்டன்.

மாத்யூ ஹெய்டன் ஊருக்குத் திரும்பும்போது தனது பெயரை மாடசாமி என்று மாற்றிக் கொண்டாலும் கூட ஆச்சரியப்படுவதற்கில்லை.. காரணம், அவர் போயிருப்பது மதுரையாச்சே.. அங்கதான் பாசக்காரப் பயலுக ஜாஸ்தியாச்சே!

English summary

Aussie Mathew Hayden wore silk dhoti when he visited Madurai today and said it is cool.