உடல்நலக் குறைவு: சிகிச்சைக்காக அமெரிக்கா செல்லும் விஜயகாந்த்
Recommended Video
சென்னை: தேமுதிக தலைவர் விஜயகாந்த் சிகிச்சை பெற வரும் 7ம் தேதி அமெரிக்கா செல்கிறார்.
தேமுதிக தலைவர் விஜயகாந்த் உடல்நலக் குறைவு காரணமாக அவ்வப்போது சிங்கப்பூர் சென்று சிகிச்சை பெற்று வந்தார். சிங்கப்பூரில் சிகிச்சை பெற்றும் அவர் உடல்நலனில் முன்னேற்றம் இல்லை.
அவரால் வேகமாக நடக்கவோ, நீண்ட நேரம் தெளிவாக பேசவோ முடியவில்லை. இதனால் அவர் தனது கட்சி நிகழ்ச்சிகளில் கூட ஓரிரு வார்த்தைகள் மட்டுமே பேசுகிறார்.
இதையடுத்து மேல் சிகிச்சைக்காக விஜயகாந்த் தனது மனைவி பிரேமலதாவுடன் வரும் 7ம் தேதி அமெரிக்காவுக்கு செல்கிறார். அவர் ஒரு மாத காலம் அமெரிக்காவில் தங்கி சிகிச்சை பெற உள்ளார்.
ஆகஸ்ட் 25ம் தேதிக்குள் அவர் நாடு திரும்புவார் என்று கூறப்படுகிறது. செப்டம்பர் மாதம் நடைபெற உள்ள தேமுதிக ஆண்டு விழாவில் விஜயகாந்த் புத்துணர்ச்சியுடன் நீண்ட நேரம் உரையாற்றுவார் என்று எதிர்பார்க்கப்படுகிறது.
Click it and Unblock the Notifications
Sign in with Google