திமுக தலைவர் கருணாநிதி விரைவில் குணமடைவார் என நம்புகிறேன்.. கனிமொழி உருக்கம்!

திமுக தலைவர் கருணாநிதி விரைவில் குணமடைவார் என நம்புவதாக மகளும் எம்பியுமான கனிமொழி தெரிவித்துள்ளார்.

சென்னை: திமுக தலைவர் கருணாநிதி விரைவில் குணமடைவார் என நம்புவதாக மகளும் எம்பியுமான கனிமொழி தெரிவித்துள்ளார்.

திமுக தலைவர் கருணாநிதி உடல்நலம் குன்றியுள்ளார். அவருக்கு கோபாலபுரம் இல்லத்திலேயே சிகிச்சை அளிக்கப்பட்டு வருகிறது. அவரது உடல் நலம் குறித்து அரசியல் கட்சித் தலைவர்கள் தொடர்ந்து 2வது நாளாக விசாரித்து வருகின்றனர்.

இந்நிலையில் கருணாநிதியின் மகளும் திமுக எம்பியுமான கனிமொழி சென்னையில் செய்தியாளர்களிடம் பேசினார். அவர் கூறியதாவது, திமுக தலைவர் கருணாநிதி விரைவில் குணமடைவார் என நம்புகிறேன்.

மருத்துவர்கள் சிறப்பான சிகிச்சை அளித்து வருகிறார்கள். கோபாலபுரம் இல்லத்திலேயே சிகிச்சை அளிக்கக்கூடிய வசதிகள் உள்ளன.

திமுக தலைவர் கருணாநிதியை மருத்துவர்கள், செவிலியர்கள் தொடர்ந்து கண்காணித்து வருகின்றனர். டெல்லியிலிருந்து இன்று சென்னை திரும்பிய கனிமொழி இவ்வாறு தெரிவித்துள்ளார்.

English summary

Kanimozhi has said that I belive DMK leader will be recovered soon. She said, Doctors giving special treatment.