தினகரன் ஆதரவாளர் தங்க தமிழ்ச்செல்வனின் உதவியாளர் வீட்டிலும் வருமான வரித்துறையினர் ரெய்டு!
தினகரன் ஆதரவாளரான தங்க தமிழ்ச்செல்வனின் உதவியாளர் வீட்டில் வருமான வரித்துறையினர் சோதனை நடத்தி வருகின்றனர்.
தேனி: தினகரன் ஆதரவாளரான தங்க தமிழ்ச்செல்வனின் உதவியாளர் வீட்டில் வருமான வரித்துறையினர் சோதனை நடத்தி வருகின்றனர்.
சசிகலா குடும்பத்தைச் சேர்ந்தவர்கள் மற்றும் அவர்களின் ஆதரவாளர்கள் வீடுகள் மற்றும் நிறுவனங்களில் நேற்று முதல் வருமான வரித்துறை அதிகாரிகள் ரெய்டு நடத்தி வருகின்றனர். இதில் பல முக்கிய ஆவணங்கள் சிக்கியிருப்பதாக கூறப்படுகிறது.
கிடைக்கும் ஆவணங்களின் அடிப்படையில் வருமான வரித்துறையினர் சோதனையை நீட்டித்து செல்கின்றனர். இந்நிலையில் தினகரனின் தீவிர ஆதரவாளரான தங்க தமிழ்ச்செல்வனின் உதவியாளர் வீட்டிலும் வருமான வரித்துறையினர் இன்று சோதனை நடத்தி வருகின்றனர்.
கம்பத்தில் உள்ள தங்க தமிழ்ச்செல்வனின் உதவியாளர் கனகராஜ் வீட்டில் அதிகாரிகள் தொடர்ந்து சோதனை நடத்தி வருகின்றனர். தினகரன் மற்றும் சசிகலாவின் தீவிர ஆதரவாளரான தங்க தமிழ்ச்செல்வன் தகுதி நீக்கம் செய்யப்பட்ட எம்எல்ஏக்களில் ஒருவர் என்பது குறிப்பிடத்தக்கது.
Click it and Unblock the Notifications
Sign in with Google