சரத்குமார் மனைவி ராதிகாவின் அலுவலகத்தையும் சோதனையிடும் வருமானவரித்துறை - வீடியோ

சரத்குமாரின் வீட்டில் வருமானவரித்துறையினர் சோதனை செய்தனர். இன்று அவரது மனைவி ராதிகா அலுவலகத்திலும் சோதனையில் ஈடுபட்டனர்.

சென்னை: சென்னையில் தி.நகரிலுள்ள நடிகை ராதிகாவின் ராடன் மீடியா ஒர்க்ஸ் அலுவலகத்தில் வருமானவரித்துறையினர் சோதனை மேற்கொண்டு வருகின்றனர்.

கடந்த இரு தினங்களாக வருமான வரித்துறையினர் பல்வேறு இடங்களில் சோதனையில் ஈடுபட்டு வருகின்றனர். ஆர்கே நகரில் போட்டியிட்ட அதிமுக அம்மா அணி வேட்பாளர் தினகரனை ஆதரித்தார் நடிகர் சரத்குமார்.

அவர் ஆதரவு தெரிவித்த அடுத்தநாளே சரத்குமார் வீட்டில் வருமான வரித்துறையினர் சோதனையில் ஈடுபட்டனர். மேலும் வருமானவரித்துறை அலுவலகத்திலும் சரத்குமாரை 7 மணிநேரம் விசாரித்தனர்.

இந்நிலையில், ராதிகாவின் தயாரிப்பு நிறுவனமான ராடன் மீடியா ஒர்க்ஸ் அலுவலகத்திலும் வருமான வரித்துறையினர் சோதனை செய்தனர். இதை எதிர்பார்க்காத ராதிகா அதிர்ச்சியிலும் பீதியிலும் உள்ளார்.

English summary

Sarath kumar's wife Radhika office, Radaan media works also in the control of Income tax. Income tax officials raided in Radhika's office.