இந்தியன் வங்கி ஏடிஎம்களில் இன்று முதல் ரூ2,000 நோட்டுகள் கிடைக்கும்!

இந்தியன் வங்கி ஏடிஎம்களில் இன்று முதல் ரூ2,000 நோட்டுகள் கிடைக்கும் என அறிவிக்கப்பட்டுள்ளது.

சென்னை: தமிழகம் முழுவதும் இந்தியன் வங்கி ஏடிஎம்களில் புதிய ரூ2,000 நோட்டுகள் கிடைக்கும் என்று அதன் பொதுமேலாளர் மணிமாறன் தெரிவித்துள்ளார்.

500, 2000 புதிய ரூபாய் நோட்டுகள் அறிமுகப்படுத்தப்பட்டபோதும் நாடு முழுவதும் மக்கள் கைகளுக்கு கிடைத்தபாடில்லை. இதனால் கடந்த 8 நாட்களாக மக்களின் இயல்பு வாழ்க்கை அடியோடு நாசமாகி உள்ளது.

இதனிடையே சென்னையில் இன்று இந்தியன் வங்கி பொதுமேலாளர் மணிமாறன் செய்தியாளர்களுக்கு அளித்த பேட்டி:

இந்தியன் வங்கி ஏடிஎம்களில் ரூ2,000 நோட்டுகள் கிடைக்கின்றன. இன்று மாலைக்குள் அனைத்து இந்தியன் வங்கி ஏடிஎம்களிலும் ரூ2,000 நோட்டுகள் கிடைக்கும்.

இந்தியன் வங்கியில் இதுவரை மொத்தம் ரூ10,000 கோடி வைப்பு வந்துள்ளது. மேலும் 20 லட்சம் பேர் தங்களது வங்கி கணக்குகளில் இருந்து ரூ740 கோடி எடுத்துள்ளனர்.

வங்கி கணக்கில்லாத 8,79,000 பேர் இதுவரை ரூ314 கோடி அளவுக்கு பழைய ரூபாய் நோட்டுகளையும் மாற்றியுள்ளனர்.

இவ்வாறு மணிமாறன் கூறினார்.

English summary

Indian Bank General Manager Manimaran said that their ATM's will delivery new Rs2,000 note from Today.