பாலியல் சாமியார் ராம் ரஹீமிடம் ஆசி வாங்கிய கோஹ்லி... வைரலாகும் வீடியோ!

பாலியல் குற்ற வழக்கில் சிறைத் தண்டனை பெற்றுள்ள சாமியார் குர்மீத் ராம் ரஹீமிடம் அறிவுரை பெறும் காட்சிகள் சமூக வலைதளத்தில் வைரலாக பரவி வருகிறது.

சென்னை : பாலியல் குற்ற வழக்கில் 10 ஆண்டுகள் சிறைத் தண்டனை பெற்றுள்ள சாமியார் குர்மீத் ரஹீமிடம் கிரிக்கெட் வீரர்கள் விராட் கோலி, தவான் உள்ளிட்டோர் பிரசன்னம் கேட்கும் வீடியோ காட்சிகள் வைரலாகி வருகிறது.

சாமியார் என்றால் காவி உடையில் தான் இருக்க வேண்டும், சந்நியாச வாழ்வு தான் வாழ வேண்டும் என்பதை உடைத்தவர் தேரா சச்சா அமைப்பின் தலைவர் குர்மீத் ராம் ரஹீம். கலர் கலர் சட்டையில் உலா வந்து இசை ஆல்பம், சினிமா, பிரசன்னம் என அறிவுரை வழங்கி வந்த குர்மீத் ராம் ரஹீம், தனது ஆசிரமத்தில் உள்ள பெண் பக்தர்களை புனிதப்படுத்துவதாகக் கூறி பலாத்காரம் செய்தது கண்டுபிடிக்கப்பட்டது.

சுமார் 14 ஆண்டுகள் நடந்த இந்த வழக்கில் இன்று தீர்ப்பு வழங்கப்பட்டுள்ளது. கடந்த வெள்ளிக்கிழமையே ராம் ரஹீம் குற்றவாளி என்று நீதிமன்றம் சொன்னதையடுத்து கலவரம் வெடித்ததையடுத்து அவர் யார் என்பதை தெரிந்து கொள்ள மக்கள் ஆர்வப்பட்டனர். இந்நிலையில் குர்மீத் இந்திய கிரிக்கெட் வீரர்களுக்கு அறிவுரை வழங்கும் ஒரு வீடியோ சமூக வலைதளத்தில் வைரலாக பரவி வருகிறது.

வைரல் வீடியோ

சாமியார் ராம் ரஹீம் பிரசன்னம் செய்ய கிரிக்கெட் வீரர்கள் விராட் கோலி, ஷிக்கர் தவான், ஆஷிஷ் நெஹ்ரா மற்றும் முன்னாள் விக்கெட் கீப்பர் விஜய் தஹியா உள்ளிட்டோர் ராம் ரஹீமின் சொற்பொழிவை கேட்கின்றனர்.

பெருமை பீத்திய ராம் ரஹீம்

இதே போன்று ராம் ரஹீமின் மற்றொரு வீடியோவும் வைரலாகி வருகிறது. அந்த வீடியோவில் சினிமா ஸ்டார் போன்று உடையணிந்திருக்கும் ராம் ரஹீம் பத்திரிக்கையாளர்கள் சந்திப்பின் போது தவான், கோலி, மற்றும் குத்துச்சண்டை வீரர் விஜேந்தர் ஆகியோர் தன்னுடைய பக்தர்கள் என்று சொல்லியிருக்கிறார்.

I imagine there are a few red-faced cricketers around at the moment: https://t.co/WGz6DmQ7BQ Why do intelligent people do this? #Gurmeet

— Anand Vasu (@anandvasu) August 26, 2017

கண்டனம்

குர்மீத்தின் இந்த பேச்சை நினைவுப்படுத்தி பல்வேறு கண்டனங்கள் டுவிட்டரில் பதிவிடப்படுகின்றன. சிறந்த வீரர்கள் ஏன் இது போன்ற செயல்களை ஊக்குவிக்கின்றனர் என்று ஒரு நெட்டிசன் கவலை தெரிவித்துள்ளார்.

Gurmeet Ram Rahim Singh claims he is Virat Kohli’s cricket coach - Joke or true?Lots of pedophile Coaches and fake fraud guru.Easy money

— Vinay dey (@Vinay_Dey) August 26, 2017

ஆதங்கம்

குர்மீத் ராம் ரஹீம் தன்னை கோலியின் பயிற்சியாளர் என்கிறார், இது உண்மையா அல்லது ஜோக்கா என்று ஒரு நெட்டிசன் கேட்டுள்ளார். பணம் சம்பாதிப்பதற்காக பல போலி குருமார்கள் இது போன்ற விளம்பரங்களைச் செய்து கொள்கின்றனர் என்று ஆதங்கப்பட்டுள்ளார் அவர்.

English summary

video of Indian Cricketers Virat Kohli, Shikhar Dhawan, Ashish Nehra and former wicket-keeper Vijay Dahiya around Gurmit rahm rahim video surfing the internet.