தடை விதிக்கக் கூடாது, ஜல்லிக்கட்டு நடத்தப்பட வேண்டும்: ரஜினிகாந்த்

சென்னை: ஜல்லிக்கட்டுக்கு கட்டுப்பாடு விதியுங்கள் ஆனால் தடை விதிக்கக் கூடாது என்று ரஜினிகாந்த் தெரிவித்துள்ளார்.

ஜல்லிக்கட்டு நடத்த உச்ச நீதிமன்றம் தடை விதித்துள்ளது. இந்நிலையில் ஜல்லிக்கட்டை நடத்த அனுமதி அளிக்கக் கோரி தமிழகத்தின் பல்வேறு பகுதிகளில் போராட்டங்கள் நடந்து வருகிறது.

இந்நிலையில் சென்னையில் நடந்த விழா ஒன்றில் கலந்து கொண்ட சூப்பர் ஸ்டார் ரஜினிகாந்த் ஜல்லிக்கட்டு பற்றி பேசுகையில்,

தமிழ் கலாச்சாரத்தின் ஒரு பங்கான ஜல்லிக்கட்டுக்கு தடை விதிக்கக் கூடாது. கட்டுப்பாடுகள் விதிக்கட்டும். ஆனால் தடை விதிக்க வேண்டாம். பெரியவர்கள் ஏற்படுத்திக் கொடுத்த கலாச்சாரத்தில் மட்டும் எப்பொழுதுமே கை வைக்கக் கூடாது. அதை காப்பாற்ற வேண்டும்.

ஜல்லிக்கட்டு நடத்தப்பட்ட வேண்டும் என்றார்.

English summary

Superstar Rajinikanth said that restrictions can be put in place but Jallikattu should not be banned.