சேலம் அதிமுக மாவட்ட செயலாளர் நீக்கம்...ஜெயலலிதா உத்தரவு

சென்னை: அதிமுக சேலம் மாநகர் மாவட்ட செயலாளர் பொறுப்பில் இருந்து செல்வராஜூவை நீக்கி உத்தரவிட்டுள்ளார் அக்கட்சியின் பொதுச்செயலாளரும், முதல்வருமான ஜெயலலிதா.

சட்டசபை தேர்தல் நெருங்க நெருங்க அரசியல் கட்சியினர் பரபரப்பாக இயங்கி வரும் நிலையில், அதிமுகவில் தற்போது சேலம் மாவட்ட செயலாளரை நீக்கி ஜெயலலிதா உத்தரவிட்டுள்ளார்.

இது குறித்து அவர் வெளியிட்டுள்ள அறிக்கையில், சேலம் மாவட்ட செயலாளர் பொறுப்பில் இருந்து வந்த எம்.கே., செல்வராஜூ நீக்கப்பட்டுள்ளார். அவருக்கு பதிலாக சேலம் மாநகர மேயர் சவுண்டப்பன் மாவட்ட பொறுப்பாளராக நியமிக்கப்படுகிறார்.

சேலம் மாவட்ட அவை தலைவராக நாடாளுமன்ற உறுப்பினர் வி. பன்னீர் செல்வம் நியமிக்கப்படுவதாக அந்த அறிக்கையில் தெரிவித்துள்ளார்.

English summary

Tamil Nadu Chief Minister J Jayalalithaa on today sacked salem District Secretary selvaraj from key party post