வெளி நாடுகளில் 100 கோடி ரூபாய்க்கும் மேல் வசூலில் சாதனை படைத்த 'கபாலி'

சென்னை: வெளிநாட்டு வசூலில் அசைக்க முடியாத இடத்தில் உள்ளது கபாலி. இதுவரை கபாலிக்குக் கிடைத்த வெளிநாட்டு வசூல் ரூ.100 கோடியை தாண்டுமாம்.

சூப்பர் ஸ்டார் ரஜினிகாந்த் நடிப்பில் வெளியாகி சக்கைப் போடு போட்டுக்கொண்டிருக்கும் கபாலி திரைப்படம் கடந்த மாதம் 22ம் தேதி தமிழ்நாடு, கேரளா, ஆந்திரா உள்ளிட்ட மாநிலங்களில் ரிலீஸ் ஆகியது. கபாலி திரைக்கு வந்த நாள் முதல் வசூலில் நல்ல சாதனை படைத்து வருகிறது.

இந்நிலையில், படம் வெளியாகி 2 வாரத்தை தாண்டியுள்ள நிலையில், மலேசியாவில் மட்டும் 11.63 மில்லியன் ரிங்கிட் வசூல் செய்துள்ளது. அதாவது இந்திய ரூபாய் மதிப்பு படி ரூ.19.4 கோடி வசூல் செய்துள்ளது என கூறப்படுகிறது. மேலும், மலேசியா தமிழ் படங்களின் பாக்ஸ் ஆபிஸ் வசூலில் முதல் மூன்று இடங்களிலும் சூப்பர் ஸ்டார் ரஜினியின் படங்களே உள்ளது.

மலையாளத்தில் மோகன்லால் படம் ரிலீஸ் ஆகியிருந்த போதிலும் ரஜினியின் கபாலி வசூலில் நல்ல சாதனை புரிந்துள்ளது. கேரளாவில் மட்டும் இதுவரை ரூ.15.3 கோடி வசூலை ஈட்டியுள்ளது கபாலி. விஜயின் தெறி, விக்ரமின் ஐ படத்திற்கு பிறகு ஒரு தமிழ் படம் ரிலீசாகிய 2 வாரத்தில் இந்த அளவுக்கு வசூலில் சாதனை படைத்துள்ளது கபாலி தான் என்கின்றனர்.

English summary

Rajinikanth's Kabali has raked Rs.100 cr collection records in various part of the world.