அப்துல் கலாம் நினைவு நாளில் மாணவர்களுக்கு ரூ 10 லட்சம் கல்விக் கட்டணம் வழங்கிய விஷால்!

சென்னை: மறைந்த குடியரசுத் தலைவர் டாக்டர் அப்துல் கலாமின் 2வது நினைவு நாளில், ஏழை மாணவர்களின் கல்வி கட்டணத்துக்காக ரூ 10 லட்சத்தை வழங்கினார் தயாரிப்பாளர் சங்கத் தலைவர் விஷால்.

கடந்த சில ஆண்டுகளாக தனது தாயார் தேவி பெயரில் அறக்கட்டளை அமைத்து மாணவர்கள், ஏழை எளிய மக்களுக்கு பல்வேறு உதவிகளைச் செய்து வருகிறார் விஷால்.

மறைந்த முன்னாள் ஜனாதிபதி டாக்டர் அப்துல் கலாமின் 2 ஆம் - நினைவு நாளான இன்று தமிழ் திரைப்பட தயாரிப்பாளர் சங்க தலைவர், தென்னிந்தியா நடிகர் சங்க பொது செயலாளர் விஷால், அன்னாரின் படத்துக்கு மாலை அணிவித்து மரியாதை செலுத்தினார்.

இந்நிகழ்வில் தேவி அறகட்டளை மூலம் 10 லட்ச ரூபாய் மதிப்புள்ள உதவி தொகையை ஏழை எளிய மாணவர்களுக்கு கல்வி கட்டணம் செலுத்துவதற்காக வழங்கினார் விஷால்.

English summary

Actor Vishal has donated Rs 10 lakhs to students tuition fees on the 2nd death anniversary of Dr Kalam