திடீர் சந்திப்பு...ரஜினிகாந்துடன் கூட்டணி வைக்கிறாரா கமல்ஹாசன்?

ரஜினிகாந்தை கமல்ஹாசன் இன்று திடீரென சந்தித்து பேசினார்.

சென்னை: அரசியல் கட்சி தொடங்க உள்ள நிலையில் திடீரென ரஜினிகாந்தை நடிகர் கமல்ஹாசன் சந்தித்திருப்பது பரபரப்பை ஏற்படுத்தியுள்ளது.

சினிமாவில் கோலோச்சும் ரஜினிகாந்தும் கமல்ஹாசனும் திடீரென அரசியல் களத்தில் குதித்துள்ளனர். கமல்ஹாசன் வரும் 21-ந் தேதியன்று கட்சி பெயரை அறிவிக்கிறார்.

தயாராகும் ரஜினி

அத்துடன் அடுத்தடுத்து பொதுக்கூட்டங்களையும் கமல்ஹாசன் நடத்துகிறார். அதேபோல் ரஜினிகாந்தும் அரசியல் கட்சி தொடங்குவதற்கான ஆயத்த பணிகளில் ஈடுபட்டு வருகிறார்.

ரஜினியுடன் கமல் திடீர் சந்திப்பு

வரும் 20-ந் தேதி ரசிகர்களை சந்திக்க இருக்கிறார் ரஜினிகாந்த். இந்நிலையில் திடீரென ரஜினிகாந்தை கமல்ஹாசன் இன்று சந்தித்து பேசினார்.

தனித்தனியே பயணிக்கும் ரஜினி கமல்

ரஜினிகாந்தையும் கமல்ஹாசனையும் இணைக்கும் வேலைகளை சிலர் முயற்சிக்கின்றனர். ஆனால் இருவரும் தனித்தனியே அரசியல் பயணம் செய்யவே விரும்புகின்றனர்.

ரஜினி- கமல் கூட்டணி?

இந்நிலையில் திடீரென ரஜினிகாந்தை கமல்ஹாசன் சந்தித்திருக்கிறார். இச்சந்திப்பு மூலம் இருவரும் எதிர்காலத்தில் கூட்டணி அமைக்க வாய்ப்பிருப்பதாகவும் கூறப்படுகிறது. ஆனால் இதை இருவரது ரசிகர்கள் ஏற்பார்களா? என்கிற கேள்வியும் எழாமல் இல்லை.

English summary

Kamal Haasan today met Rajinikanth ahead of his party launch.