சகோதரர் ரஜினி.. கமல் வெல்கம் டுவீட்

ரஜினியின் சமூக உணர்வுக்கும் அரசியல் வருகைக்கும் நடிகர் கமல்ஹாசன் வாழ்த்துகளை தெரிவித்துள்ளார்.

சென்னை : ரஜினிகாந்த்தின் சமூக உணர்வுக்கும் அரசியல் வருகைக்கும் நடிகர் கமல்ஹாசன் வாழ்த்துகளை தெரிவித்துள்ளார். ரஜினியே வருக, வருக என்று கமல்ஹாசன் வெல்கம் டுவீட் போட்டுள்ளார்.

ரஜினி இன்று என்ன அறிவிப்பை வெளியிடப்போகிறார் என்று உலகம் முழுவதும் உள்ள தமிழர்கள் எதிர்பார்த்தது போல அமெரிக்காவில் விஸ்வரூபம் 2 படப்பிடிப்பில் இருக்கும் கமல்ஹாசனும் எதிர்பார்த்து காத்திருந்திருப்பார் போல. ரசிகர்கள், மக்கள் எதிர்பார்த்தது போல ரஜினி அவர்களுக்கு ஏமாற்றம் தராமல் அரசியலுக்கு வருவேன் என்று அறிவித்துள்ளார்.

ரஜினி அரசியலுக்கு வருவதாக அறிவித்ததையடுத்து தமிழகம் முழுவதும் உள்ள ரசிகர்கள் இனிப்புகளை பரிமாறியும், பட்டாசுகளை வெடித்தும் கொண்டாடினர். ரஜினி அரசியலுக்கு வருவதாக முழங்கிய அறிவிப்பிற்கு நடிகர் கமல்ஹாசன் முதல் ஆளாக வரவேற்று டுவீட் போட்டுள்ளார்.

கமல்ஹாசனின் வெளியிட்டுள்ள வெல்கம் டுவீட்டில் "சகோதரர் ரஜினியின் சமூக உணர்வுக்கும் அரசியல் வருகைக்கும் வாழ்த்துக்கள். வருக வருக" என்று அவர் தெரிவித்துள்ளார்.

சகோதரர் ரஜினியின் சமூக உணர்வுக்கும் அரசியல் வருகைக்கும் வாழ்த்துக்கள். வருக வருக

— Kamal Haasan (@ikamalhaasan) December 31, 2017

ரஜினிக்கு முன்பே அரசியலுக்கு வந்தவிட்டதாக ஆப் வெளியிட்ட கமல்ஹாசன், ரசிகர் மன்றத்தினர் மக்கள் பணியாற்றச் சொல்லிவிட்டு படப்பிடிப்பிற்கு சென்றுவிட்டார். ரஜினி அரசியல் அறிவிப்பை வெளியிட மாட்டார் வழக்கம் போல இழுத்தடிப்பார் என்று பலரும் எண்ணிய நிலையில் அனைவருக்கும் ஷாக் கொடுக்கும் வகையில் அரசியல் முரசு கொட்டியுள்ளார் ரஜினி.

இனி ரஜினி, கமல் ரசிகர் மன்றங்கள் எப்படி மக்கள் பணியாற்றி மக்கள் மத்தியில் செல்வாக்கை சம்பாதிக்கப் போகின்றன என்ற எதிர்பார்ப்பு எழுந்துள்ளது.

English summary

Kamalhaasan welcomed Rajinikanth over his political entry announcement, he tweeted I congragulate brother Rajini for his social consciousness and political entry.