கருணாநிதி 94வது பிறந்தநாள்: மனைவி தயாளு உடன் கேக் வெட்டி கொண்டாட்டம்

கருணாநிதி தனது 94வது பிறந்தநாளினை மகள் செல்வி ஊட்டி விட்ட கேக் சாப்பிட்டு உற்சாகத்துடன் கொண்டாடினார்.

சென்னை: திமுக தலைவர் கருணாநிதியின் 94வது பிறந்தநாள் மற்றும் சட்டசபை வைரவிழா இன்று கொண்டாடப்படுவதை முன்னிட்டு அவர் வசிக்கும் கோபாலபுரம் பகுதி விழாக்கோலம் பூண்டுள்ளது. மகள் செல்வி தனது கையால் ஊட்டி விட்ட கேக் சாப்பிட்டு உற்சாகத்துடன் பிறந்தநாளைக் கொண்டாடினார்.

காலை முதலே திமுக தொண்டர்கள் பட்டாசுகள் வெடித்து பிறந்தநாளை கொண்டாடி வருகின்றனர். மு.க.ஸ்டாலின், கனிமொழி, தயாநிதிமாறன் ஆகியோர் பிறந்தநாள் வாழ்த்து கூறி ஆசி பெற்றனர். துரைமுருகன், காங்கிரஸ் கட்சியின் மூத்த தலைவர்கள் நேரில் சந்தித்து வாழ்த்து கூறினர்.

கருணாநிதி அவரது மனைவி தயாளு அம்மாள் அமர்ந்திருக்க அவரது மகள் செல்வி கேக் வெட்டி கொண்டாடினார். சிறிதளவு கேக்கை கருணாநிதிக்கும், தயாளு அம்மாளிற்கும் கேக் ஊட்டி விட்டார் செல்வி. பிறந்தநாள் வாழ்த்து தெரிவித்து ஆசி பெற்றனர். இன்னும் வேண்டுமா அப்பா என்று கேட்டு ஊட்டி விட்டார் செல்வி. அனைவரும் கரஒலி எழுப்பினர்.

இதனை வீடியோவாக எடுத்து சமூக வலைத்தளங்களில் பதிவிட்டுள்ளனர். வைரவிழா நிகழ்ச்சி அழைப்பிதழையும், விழா மலரையும் கருணாநிதி பார்வையிட்டது, சோனியா காந்தியின் கடிதத்தை கேட்டு ரசித்தது வீடியோவாக வெளியான நிலையில் இப்போது பிறந்தநாள் கொண்டாட்டமும் வீடியோவாக திமுக சார்பில் வெளியிடப்பட்டுள்ளது.

English summary

The DMK chief M. Karunanidhi, the seniormost active politician in the Indian political scene, celebrated his 94th birthday today. Karunanidhi daughter Selvi cutting a cake.