ராஜாஜி ஹால் வந்தடைந்தது கருணாநிதி உடல்

கருணாநிதியின் உடல் கோபாலபுரம் இல்லத்துக்கு கொண்டு செல்லபடுகிறது.

சென்னை: திமுக தலைவர் கருணாநிதியின் உடல் தற்போது ராஜாஜி ஹாலுக்கு வந்து சேர்ந்துள்ளது.

நேற்று மாலை 6 மணி அளவில் உடல்நல குறைப்பாட்டால் காலமானார் கருணாநிதி. அவரது உடல் கோபாலபுரம் இல்லத்துக்கு ஆம்புலன்ஸ் மூலம் கொண்டு செல்லப்பட்டது.

கோபாலபுரம் இல்லத்தில் நள்ளிரவு 1 மணி வரை கருணாநிதி உடல் அஞ்சலிக்காக வைக்கப்பட்டது. அவரது உடலுக்கு உறவினர்கள், முக்கியப் பிரமுகர்கள், தொண்டர்கள் இறுதி அஞ்சலி செலுத்தினர்.

அதன் பின்னர் கருணாநிதியின் உடல் சிஐடி காலனியில் உள்ள வீட்டுக்கு எடுத்து வரப்பட்டது. அங்கு காலை 5 மணி வரை அஞ்சலிக்காக உடல் வைக்கப்பட்டது. இங்கு பல்லாயிரக்கணக்கானோர் திரண்டனர். ப.சிதம்பரம் உள்ளிட்ட முக்கியஸ்தர்கள், திரையுலகினர் திரண்டு வந்து அஞ்சலி செலுத்தினர்.

இதையடுத்து காலை 5 மணியளவில் சிஐடி இல்லத்தை விட்டு கருணாநிதி உடல் ராஜாஜி ஹாலுக்கு எடுத்து செல்லப்பட்டது. ஆயிரக்கணக்கான மக்கள் புடை சூழ கருணாநிதி உடல் ராஜாஜி ஹாலை காலை ஐந்தரை மணியளவில் வந்தடைந்தது. தற்போது கருணாநிதியின் உடல் ராஜாஜி ஹாலில் பொதுமக்கள் அஞ்சலிக்காக வைக்கப்பட்டுள்ளது.. அவரது உடலுக்கு அருகே குடும்பத்தினர் திரண்டு நிற்கின்றனர்.

English summary

Karunanidhi's body is being taken to Gopalapuram house.