ரஜினியை போனில் அழைத்து பிறந்தநாள் வாழ்த்து சொன்ன கருணாநிதி!

சென்னை: நடிகர் ரஜினிகாந்திற்கு திமுக தலைவர் கருணாநிதி தொலைபேசி வாயிலாக தனது வாழ்த்துக்களைத் தெரிவித்துள்ளார்.

சூப்பர் ஸ்டார் ரஜினிகாந்த், இன்று தனது 64வது பிறந்தநாளைக் கொண்டாடுகிறார். இன்று அவரது நடிப்பில் உருவான லிங்கா படமும் ரிலீசாகி உள்ளது. இதனால், இரட்டை சந்தோஷத்தில் உள்ளனர் அவரது ரசிகர்கள்.

இந்நிலையில், ரஜினியின் பிறந்தநாளுக்கும், அவரது லிங்கா படம் வெற்றி பெறவும் கட்சித் தலைவர்கள், கலைஞர்கள் மற்றும் ரசிகர்கள் நேரிலும், தொலைபேசி வாயிலாகவும், சமூக வலைதளங்கள் வாயிலாகவும் தங்கள் வாழ்த்துக்களைத் தெரிவித்து வருகின்றனர்.

அந்த வகையில் திமுக தலைவர் கருணாநிதியும் ரஜினிக்கு தனது பிறந்தநாள் வாழ்த்துக்களை தொலைபேசி வாயிலாகத் தெரிவித்துள்ளார்.

English summary

The DMK chief and former chief minister of Tamilnadu, Karunanidhi wishes actor Rajini on his 64th birthday.