குஷ்பு காலில் காயம்.. முட்டி நகராமல் இருக்க உபகரணம் மாட்டப்பட்டது!

சென்னை: நடிகையும், காங்கிரஸ் கட்சியின் தேசிய செய்தித் தொடர்பாளருமான குஷ்பு காலில் காயமேற்பட்டுள்ளதால் சென்னை அப்பல்லோ மருத்துவமனையில் சிகிச்சை பெற்று திரும்பினார்.

காங்கிரசில் இப்போது குஷ்பு மிகுந்த பிசியாக உள்ளார். போராட்டங்கள், பேட்டிகள், பொதுமேடை பேச்சுகள் என குஷ்பு ஷெட்யூல் காலில் பம்பரம் கட்டிவிட்டதுபோல உள்ளது.

My leg looks like this..😊😊😊 but I m in very good hands of Dr.RGK at Apollo. . Will be heading out now in fact. 😊😊 pic.twitter.com/E9OvEKRVuw

— khushbusundar (@khushsundar) September 24, 2015

இந்நிலையில்தான், குஷ்புவின் முட்டியில் திடீரென காயம் ஏற்பட்டுள்ளது. இதுகுறித்து டிவிட்டரில் குஷ்பு கூறுகையில், "எனது முட்டி காயமடைந்துள்ளது. எனவே முட்டி நகராமல் தடுக்கும் உபகரணம் பொருத்தப்பட்டுள்ளது. சீரியசான காயமில்லை என்றபோதிலும், 4வது முறையாக அதே இடத்தில் காயமேற்பட்டுள்ளது" என்று தெரிவித்திருந்தார்.

இதன்பிறகு அப்பல்லோ மருத்துவமனையில் சிகிச்சை முடித்து வீடு திரும்பும்போது, தனது கால் காயத்தை புகைப்படம் எடுத்து டிவிட்டரில் வெளியிட்டிருந்த குஷ்பு, நல்ல மருத்துவரால் நான் கையாளப்பட்டேன் என்று தெரிவித்திருந்தார்.

English summary

"Ok..so the news is my knee is injured n I m on knee brace..nothing serious but u tend 2 hurt the same place twice n I did it 4 the 4th time" says Khusboo in her tweet.