நான் கருணாநிதிக்கு பிறந்தநாள் வாழ்த்து தெரிவிக்கவில்லை என உங்களுக்கு தெரியுமா?: ட்வீட்டிய குஷ்பு

சென்னை: திமுக தலைவர் கருணாநிதிக்கு நான் பிறந்தநாள் வாழ்த்து தெரிவிக்கவில்லை என ஏன் உங்களுக்கு தோன்றுகிறது என்று நடிகையும், காங்கிரஸ் கட்சி உறுப்பினருமான குஷ்பு ட்விட்டரில் ரசிகர் ஒருவரிடம் கேட்டுள்ளார்.

திமுக தலைவர் கருணாநிதி தனது 92வது பிறந்தநாளை நேற்று முன்தினம் கொண்டாடினார். அவருக்கு அரசியல் தலைவர்கள், பிரபலங்கள், தொண்டர்கள் என ஏராளமானோர் நேரிலும், ஃபேஸ்புக், ட்விட்டர் உள்ளிட்ட சமூக வலைதளங்கள் மூலமாகவும் பிறந்தநாள் வாழ்த்து தெரிவித்தனர்.

@khushsundar @Surya_BornToWin @kalaignar89 mam u supposed to wish him !!! For the age n leader u work with him long Time

— Rama Raj (@ramaraj13) June 5, 2015

இந்நிலையில் நடிகையும், திமுகவில் இருந்து விலகி காங்கிரஸில் சேர்ந்தவருமான குஷ்புவிடம் ட்விட்டரில் ரசிகர் ஒருவர் கருணாநிதியின் பிறந்தநாள் பற்றி கேட்டுள்ளார்.

மேடம் நீங்கள் கருணாநிதிக்கு பிறந்தநாள் வாழ்த்து தெரிவித்திருக்க வேண்டும்!!! அவரது வயது மற்றும் நீங்கள் நீண்ட காலம் பணியாற்றிய தலைவர் என்பதற்காக வாழ்த்தியிருக்க வேண்டும் என்று ராமராஜ் ட்விட்டரில் தெரிவித்திருந்தார்.

Aiiiyyyyyoooo..do I hve to announce to the world all that I do? What makes u think that I didn't? https://t.co/JEaWmTipXc

— khushbusundar (@khushsundar) June 5, 2015

அதற்கு குஷ்பு ட்விட்டரில் பதில் அளித்து கூறியிருப்பதாவது,

அய்ய்ய்யோயோயோ...நான் செய்வது அனைத்தையும் உலகிற்கு அறிவிக்க வேண்டுமா? நான் அவருக்கு வாழ்த்து தெரிவிக்கவில்லை என்று ஏன் உங்களுக்கு தோன்றுகிறது என்று கேட்டுள்ளார்.

English summary

Actress Khushbu tweeted that she wished DMK supremo Karunanidhi on his 92nd birthday.