ஓட்டப்பிடாரம் தொகுதியில் புதிய தமிழகம் கட்சி தலைவர் கிருஷ்ணசாமி தோல்வி

தூத்துக்குடி: ஓட்டப்பிடாரம் சட்டசபை தொகுதியில் போட்டியிட்ட புதிய தமிழகம் கட்சி தலைவர் கிருஷ்ணசாமி 493 வாக்கு வித்தியாசத்தில் அதிமுக வேட்பாளரிடம் தோல்வியைத் தழுவியுள்ளார்.

திமுக கூட்டணியில் இடம்பெற்றிருந்த புதிய தமிழகம் கட்சிக்கு ஓட்டப்பிடாரம், வாசுதேவநல்லூர், திருவில்லிபுத்தூர், கிருஷ்ணராயபுரம் ஆகிய 4 தொகுதிகள் ஒதுக்கப்பட்டுள்ளன. இந்த 4 தொகுதிகளிலும் புதிய தமிழகம் கட்சி தொலைக்காட்சிப் பெட்டி சின்னத்தில் போட்டியிட்டது. ஓட்டப்பிடாரம் தொகுதியில் கட்சித் தலைவர் கிருஷ்ணசாமி போட்டியிட்டார்.

இந்நிலையில் தேர்தல் முடிவுகள் இன்று வெளியான நிலையில், . ஓட்டப்பிடாரம் தொகுதியில் போட்டியிட்ட கிருஷ்ணசாமி அதிமுக வேட்பாளர் சுந்தர்ராஜனிடனிடம் 493 வாக்குகள் வித்தியாசத்தில் தோல்வியைத் தழுவியுள்ளார்.

அதிமுக வேட்பாளர் சுந்தர்ராஜ் 65071 வாக்குகள் பெற்று வெற்றி பெற்றுள்ளார். இவரை எதிர்த்து போட்டியிட்ட கிருஷ்ணசாமிக்கு 64578 வாக்குகளே கிடைத்துள்ளது. இதனால் 493 வாக்குகள் வித்தியாசத்தில் கிருஷ்ணசாமி வெற்றி வாய்ப்பை இழந்துள்ளார்.

ஏற்கனவே இதே தொகுதியில் 2 முறை போட்டியிட்டு கிருஷ்ணசாமி வெற்றி பெற்றிருந்தது குறிப்பிடத்தக்கது. கடந்த 2011 சட்ட சபை தேர்தலில் அதிமுக கூட்டணியில் இதே தொகுதியில போட்டியிட்டு வெற்றி பெற்றிருந்தார் கிருஷ்ணசாமி.

English summary

Puthiya tamilagam chief krishnasamy lossing in ottapidaram constituency