குஷ்புவின் மாமாவைக் காணவில்லை.. மும்பை வீட்டிலிருந்து போனவர் வீடு திரும்பவில்லை!

சென்னை: நடிகை குஷ்புவின் தாய் மாமாவைக் காணவில்லை. இதுகுறித்து நடிகை குஷ்பு தனது பேஸ் புக் பக்கத்தில் தகவல் போட்டு அவர் குறித்து தகவல் தெரிந்தால் தெரிவிக்குமாறு கோரிக்கை விடுத்துள்ளார்.

அவரது பெயர் முகம்மது சயீத் சயத். வயது 72. இவர் காணாமல் போனது குறித்து குஷ்பு தெரிவித்துள்ள தகவலில், எனது தாய் மாமா நேற்று காலை 10 மணி முதல் காணவில்லை. அவருக்கு ரத்தக் கொதிப்பு உள்ளது. அடிக்கடி மயங்கி விடுவார். காணாமல் போன சமயத்தில் தனது ஆதார் கார்டை கையில் வைத்திருந்தார்.

அவருக்கு காது கேளாத பிரச்சினையும் உள்ளது. அவரைக் கண்டுபிடிக்க உதவுங்கள். அவர் எனது தாயாருக்கு ஒரே சகோதரர் ஆவார். அவர் தனது சகோதரரை நினைத்து மிகவும் கவலை அடைந்து உடைந்து போயுள்ளார். மும்பையிலிருந்து எனது மாமா காணாமல் போயுள்ளார். நேற்று காலை சாப்பிட்டதும் வீட்டை விட்டை போனவர் மீண்டும் வரவில்லை என்று குஷ்பு கவலையுடன் தெரிவித்துள்ளார்.

English summary

Actress Kushboo's uncle is gone missing from his Mumbai house since yesterday.