ஸ்டாலின் அடுத்த முதல்வர்.. ராகுல் அடுத்த பிரதமர்.. இளங்கோவன் பிறந்த நாள் விழாவில் குஷ்பு பேச்சு!

ஈவிகேஎஸ் இளங்கோவன் பிறந்த நாள் விழாவில் பேசிய குஷ்பு ஸ்டாலின்தான் தமிழ்நாட்டின் அடுத்த முதல்வர் என்று குறிப்பிட்டு இருக்கிறார்.

சென்னை: ஈவிகேஎஸ் இளங்கோவன் பிறந்த நாள் விழாவில் பேசிய குஷ்பு ஸ்டாலின்தான் தமிழ்நாட்டின் அடுத்த முதல்வர் என்று குறிப்பிட்டு இருக்கிறார். அந்த விழா மேடையில் அப்போது ஸ்டாலின் இருந்தது குறிப்பிடத்தக்கது.

காங்கிரஸ் கட்சியின் முன்னாள் தலைவர் ஈ.வி.கே.எஸ். இளங்கோவன் தனது பிறந்தநாள் விழாவை சென்னை வேலப்பன்சாவடியில் கோலாகலமாக கொண்டாடினார். தமிழ்நாட்டில் இருக்கும் பல முக்கிய கட்சிகள் இதில் கலந்து கொண்டன.

இந்த விழாவில் குஷ்பு கலந்து கொண்டு உரையாற்றினார். அதில் அவர் ''தமிழ்நாட்டின் அடுத்த முதல்வர் ஸ்டாலின்தான். 2021ல் கண்டிப்பாக அவர் தமிழக முதல்வராக பொறுப்பேற்பார்'' என்று குறிப்பிட்டார். மேலும் திமுக மீண்டும் புதிய பொலிவு அடையும் என்றும் கூறினார்.

அதேபோல் ''2019ல் கண்டிப்பாக பாராளுமன்ற தேர்தலில் காங்கிரஸ் வெற்றிபெறும். ராகுல்தான் அடுத்த பிரதமர். 2ஜி திட்டம் இந்தியாவில் புரட்சியை ஏற்படுத்தியது. 2ஜி ஒதுக்கீட்டில் தேவை இல்லாமல் காங்கிரஸ் மற்றும் திமுக மீது சுமத்திய பழி வெளியே தெரிய வந்து இருக்கிறது'' என்றும் கூறினார்.

English summary

Kushbu talks about EVKS Elangovan on his birthday. She said Stalin will became CM of Tamilnadu 2021. She also added that Rahul will lead India in 2019.