ஆபாச பேச்சு விவகாரத்தில் தவறாக பரவுவதால் வாட்ஸப் போட்டோவை அகற்றும் பெண்கள்!

சென்னை: சென்னையில் உதவி கமிஷனர் ஒருவர் பெண் போலீசிடம் ஆபாசமாக பேசிய வாட்ஸ் வீடியோவைத் தொடர்ந்து பெண்கள் தங்களுடைய புகைப்படங்களை வாட்ஸ் அப்பிலிருந்து அகற்றி வருகின்றனர்.

உதவி கமிஷனரின் ஆபாச ஆடியோ விவகாரத்தில் வாட்ஸ் அப்பில் பெண்களின் போட்டோக்களும் அவதூறாக பரப்பப்பட்டு வருகின்றன.

இதனால் பயந்து போன பெண்கள் சிலர் வாட்ஸ் அப் ப்ரோபைலில் வைத்திருந்த தங்களது போட்டோக்களையும் அகற்றியுள்ளனர்.

போட்டோவுக்கு பதில் சிலர் சாமி படங்களையும், இயற்கை காட்சிகள் அடங்கிய போட்டோக்களையும் வைத்துள்ளனர். இன்னும் ஒருசிலர் போட்டோ வைக்கப்படும் இடத்தை காலியாகவே வைத்துள்ளனர்.

அதே நேரத்தில் பலர் செல்போனில் பேசுவதற்கே பயந்து போய் உள்ளனர். போலீஸ் அதிகாரிகள் மத்தியில் இந்த பீதி அதிகமாகவே காணப்படுகிறது என்பது குறிப்பிடத்தக்கது.

English summary

Women removed their whatsapp photos due to the miss spreading of the photos in the assistant commissioner whatsapp controversy.